Испанийн Барселона хотын ойролцоо орших Калелла хотын далайн эргээс аварга том далайн яст мэлхий олджээ. Шалтгаан нь тодорхойгүй боловч уг далайн яст мэлхий үхсэн байгааг нутгийн иргэд илрүүлсэн. Орон нутгийн "Ла Вангуардиа" сонинд бичсэнээр бол аварга яст мэлхий хоёр метр урт бөгөөд жин нь 700 кг хүрэх аж.
Амьтан судлаачдын үзэж байгаагаар газар дундын тэнгист ийм аварга яст мэлхий өмнө нь үзэгдэж байгаагүй гэнэ. Тэр ч бүү хэл амьдардаг байлаа гэхэд 10 хүрэхтэй үгүйтэй байгаа гэж мэдэгджээ.
Dermochelys coriacea хэмээх энэ төрлийн яст мэлхий ижил төрлийн амьтад дотроо хамгийн том нь гэж үздэг. Уг амьтныг юунаас болж үхсэн болохыг тодорхойлохоор Барселонагийн их сургуулийн амьтан судлалын тасаг руу зөөжээ.
