Холливудын нэрт жүжигчин Леонардо ДиКаприо олон жил хүлээсэн Оскарын шагналаа "The Revenant" киноныхоо Хю Глассын дүрээр хүртсэн билээ. Энэ киноноос хойш нэг хэсэг амралт авсан жүжигчин эр энэ онд "Before the Flood" баримтат кинонд дүр бүтээснийг эс тооцвол өөр кинонд тоглоогүй. Тэгвэл жүжигчин эр цуут зураач Леонардо Да Винчигийн тухай өгүүлэх шинэ киноны гол дүрд тоглохоор болжээ.
Нэрт зохиолч Уолтер Исааксоны "Леонардо Да Винчигийн амьдрал" номноос сэдэвлэж кино дэлгэцийн бүтээл болгох эрхийг "Paramount" компани худалдаж авсан юм. Тэд уг киноны гол дүрд буюу Леонардо Да Винчигийн дүрд ДиКаприог сонгосноо мэдэгдэв.
У.Исааксоны бичсэн зохиол анх удаа дэлгэцийн бүтээл болж буй хэрэг энэ биш юм. Тэрбээр өмнө нь "Apple"-ийг үндэслэгч Стив Жобсын амьдралаар ном бичиж, үүнийг хожим найруулагч Данни Боул ижил нэртэй кино бүтээл болгож байв.
