Фейфей гэдэг энэ муур зовхины мэс засалд орж, эдгэрсэн азтай муур гэнэ. Түүнийг хэсэг хүмүүс гадаа хаягдсан байхад нь олсон бөгөөд Фейфей учир шалтгаан нь тодорхойгүй байдлаар нүдээ нээж чаддаггүй байжээ. Тиймээс түүнд яаралтай хагалгаа хийж, хорвоо ертөнцийг харах аз бэлэглэсэн байна.
Түүнийг БНХАУ-ын Ченду хотын гудамжнаас олсон юм. Уг муурны хагалгааны нийт зардал 2000 юан буюу 295 ам.доллар болсон бөгөөд уг мөнгийг амьтанд хайртай хэсэг залуус цуглуулсан байна. Түүний хагалгаа 30 минут үргэлжилсэн гэнэ. Хагалгааны дараа шинэ нүдтэй болсон азтай муур цахим ертөнцөд од болж, шинэ гэр бүлтэй болжээ.
