5 дугаар сарын 31-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 151 дахь өдөр бөгөөд он дуусахад 214 хоног үлдлээ.
- Цаг агаар өдөртөө 26 хэмийн дулаан бол шөнөдөө 10 градус дулаан байх нь ээ.
- Билгийн тооллын 6, дөрвөн ногоон мэнгэтэй шар морь өдөр. Өнөөдөр үсээ авахуулах буюу засуулбал өнгө зүс сайжрах гэнэ. Энэ өдөр бар, нохой жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2401.00 төгрөгтэй тэнцэж байгаа бол бусад валют болох рубль 42.90, юань 350.50, вон 2.13 төгрөг байна.
Өнөөдөр болох онцлох үйл явдлууд:
- MN-Мэдээллийн төвд 12.00 цагаас Ард түмний түр зөвлөл /АТОЗ/-өөс Монгол Улсын Ерөнхийлөгчид нэр дэвшигчдэд хүргүүлсэн гэрээний төсөлд өгсөн хариуг танилцуулна.
- Зууны мэдээ сонины Үндэсний мэдээллийн төвд 10.30 цагаас Vtv Телевизээс мастер тулаанч шоуны талаар мэдээлэл хийнэ.
- Зууны мэдээ сонины Үндэсний мэдээллийн төвд 11.00 цагаасМонгол хүндээ туслая ТББ-аас цаг үеийн асуудлаар мэдээлэл хийнэ.
- 09.00-12.00 цагт Стандарт, хэмжил зүйн газрын хурлын танхимд Стандартчиллын үндэсний зөвлөлийн хурал зохион байгуулагдана.
- Эх үрсийн баярыг тохиолдуулан АНД номын дэлгүүр "Зохиолчтой хамт" гарын үсэгтэй номын худалдааг 12.00-16.00 цаг хүртэл зохион байгуулна.
- “Монголын уламжлал тоглоом наадгайн нээлттэй цахим номын сан" 14.00 цагт Уран зургийн галерейд нээлтээ хийнэ.
- 11.30 цагаас БНХАУ-ын Засгийн газрын хөнгөлөлттэй зээлийн хөрөнгөөр хэрэгжүүлэх Замын цагдаагийн газрын ойролцоох гүүрэн гарц барих төслийн “Шав тавих ёслол” болно.
Энэ өдөр дэлхийн түүхэнд:
- Өнөөдөр бол дэлхийн тамхигүй өдөр.
- 1961 онд Өмнөд Африкийн холбоо статусаа өөрчилж, Өмнөд Африкийн бүгд найрамдах улс болсон.
- 1985 онд АНУ-д хамгийн хүчтэй торнадо хуй салхи үүсч, жижиг том 41 торнадо үүсч, 76 хүний амийг авч оджээ.
