5 дугаар сарын 30-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 150 дахь өдөр бөгөөд он дуусахад 215 хоног үлдлээ.
- Цаг агаар өдөртөө 27 хэмийн дулаан бол шөнөдөө 9 градус дулаан байх нь ээ.
- Билгийн тооллын 5, таван шар мэнгэтэй улаагчин могой өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр үхэр жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2403.00 төгрөгтэй тэнцэж байгаа бол бусад валют болох рубль 43.00, юань 351.20, вон 2.14 төгрөг байна.
Өнөөдөр болох онцлох үйл явдлууд:
- Зууны мэдээ сонины Үндэсний мэдээллийн төвд 11.00 цагаас 24 цагт 240 км дугуйн аялал зохион байгуулах тухай “Олон улсын унадаг дугуйн аялалын холбоо”-ноос мэдээлэл хийнэ.
- Нийслэлийн Засаг дарга С.Батболд тэргүүлдэг Нийслэлийн Хүүхдийн Төлөө Зөвлөлийн энэ оны 2-р хуралдаан 08.30 цагт Хангарьд ордны 14 давхарын хурлын их танхимд зохион байгуулагдана.
- Монголын уулчдын клубээс Монгол Ньюс хэвлэл мэдээллийн төвд 11.30 цагаас Богд уулын газар өмчлөлийн асуудлаар хэвлэлийн бага хурлыг зарлалаа.
- Олон улсын хүүхдийн эрхийг хамгаалах өдрийг тохиолдуулан 13.00 цагт Сүлд чуулгын байранд “Өсвөрийн сэргийлэгчдэд баяр хүргэе” талархлын арга хэмжээ зохион байгуулагдана.
- 14.00 цагаас АСА циркэд СХД-ийн 2000 хүүхдэд зориулсан арга хэмжээ болно.
Энэ өдөр дэлхийн түүхэнд:
- Өнөөдөр Никарагуа улсад Ээж нарын баяр тохиож байна.
- Сүмогийн 37 дахь ёкозүна Акиноүми Сэцүо 1914 оны энэ өдөр мэндэлж байжээ.
- Мөн 1990 оны энэ өдөр БНСУ-ын алдарт Girls Generation хамтлагийн дуучин, жүжигчин Im Yoona мэндэлжээ
- Харин Японы сүмоч Таканохана Кэнши 2005 оны энэ өдөр нас барсан байна.
- 2013 онд Нигер улс ижил хүйстний гэрлэлтийг хориглох тухай хууль баталжээ.
- 2005 онд Америкийн сурагч Natalee Holloway Аруба руу ахлах сургуулийнхаа төгсөлтийн аялалд явж байгаад гэнэт ор сураггүй алга болж, олон нийт шуугиж байжээ.
- 1998 онд Хойд Афганистанд 6.6 баллын хүчтэй газар хөдөлж, 5000 орчим хүний амийг авч оджээ.
