Өнөөдрийн тухай таны мэдэх ёстой 15 зүйл: ЕБС-ийн захирлуудыг үндэслэлгүйгээр ажлаас нь халсан талаар мэдээлнэ

5 дугаар сарын 29-ний өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 149 дахь өдөр бөгөөд он дуусахад 216 хоног үлдлээ.
2. Цаг агаар өдөртөө 24 хэмийн дулаан бол шөнөдөө 7 градус дулаан байх нь ээ. 
3. Билгийн тооллын 4, зургаан цагаан мэнгэтэй улаан луу өдөр. Өнөөдөр үсээ авахуулах буюу засуулбал бие эрхтний хүч сайжрах гэнэ. Энэ өдөр хулгана, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2406.00 төгрөгтэй тэнцэж байгаа бол бусад валют болох рубль 43.00, юань 351.40, вон 2.15 төгрөг байна.

Өнөөдөр болох онцлох үйл явдлууд: 

1. Ботаникийн эцэст байрлах шатсан “Well Mart” худалдааны төвийн хохирогчид 11.00 цагт “Монгол ньюс” мэдээллийн төвд хэвлэлийн бага хурал хийнэ.
2. Хэвлэлийн Хүрээлэнд: 11.00 цагаас Нийслэлийн Засаг даргын захирамжаар Ерөнхий боловсролын сургуулийн захиралуудыг үндэслэлгүй ажлаас нь халж байгаа талаар 1, 9, 13, 29, 67, 105, 107 дугаар сургуулийн захиралууд мэдээлэл хийнэ. 
3. Хэвлэлийн Хүрээлэнд: 12.00 цагаас Монголын Үндэсний Бөхийн Холбооны “ИХ ЭЕ” хуралдааныг хуралдуулж шинэ тэргүүнээ сонгосон талаар мэдээлэл хийнэ.
4. Эрүүл мэндийн яамны А зааланд "Эрүүл хотыг хөгжүүлэх" чиглэлээр туршлага солилцох сургалт, семинар 09.30-16.30 цагийн хооронд зохион байгуулагдана.
5. Өмнөговь аймгийн Даланзадгад хотноо зуны анхны үзэсгэлэн худалдаа зохион байгуулагдана. Үзэсгэлэнд хүүхдийн тоглоом, хүүхдийн хувцас, гоо сайхан, бэлэн хувцас, Монгол үйлдвэрлэгч нарын бараа бүтээгдэхүүн, хүнсний үйлдвэрлэгч нарын бараа бүтээгдэхүүн, танин мэдэхүйн ном гэх мэт бүртгэнэ.
6. 11.30 цагаас “Монгол ньюс” мэдээллийн төвд "ЭЛЭГНИЙ С ВИРУСЫН ХЕПСИНАТ-ЛП" эмийн эхний курсыг үнэ төлбөргүй хийх талаар Хаппи Веритас" оношилгооны төв хэвлэлийн хурал зохион байгуулна.

Энэ өдөр дэлхийн түүхэнд: 

1. 1917 оны энэ өдөр Америкийн 35 дахь ерөнхийлөгч Жон Фицжеральд Кеннеди мэндэлж байжээ.
2. Мөн 1940 оны энэ өдөр сүмогийн 48 дахь ёкозүна Тайхо Кооки мэндэлжээ.
3. Өнөөдөр Дэлхийн Хоол Боловсруулах Эрхтэн Тогтолцооны Эрүүл Мэндийн Өдөр тохиож байна.
4. Мөн Швед улсад цагаан хоолтнуудын өдөр тохиож байгаа аж.
5. 1988 онд Америкийн ерөнхийлөгч Ronald Reagan анх удаагаа ЗХУ-д айлчилж байжээ.