ОХУ-ын Санкт-Петербург хотын метронд дэлбэрэлт болж, хүний амь үрэгдсэн тухай тус улсын Терроризмтой тэмцэх хороо мэдээлснийг “ТАСС” агентлаг уламжиллаа. Дэлбэрэлт Москвагийн цагаар 14.40 цагт метроны “Технологический институт” болон “Сенная площадь” өртөөний хооронд болжээ. Энд ямар тэсрэх төхөөрөмж дэлбэрсэн нь тодорхойгүй байна. Арав орчим хүн амь үрэгдэж, 50 гаруй хүн шархадсан гэж тус хотын Цагдаагийн газар дахь эх сурвалж мэдээллээ.
