Энэ Ням гарагт буюу 2016 оны 10 дугаар сарын 16-ны өдөр Авто худалдааны цогцолборт дрифтийн улсын аварга шалгаруулах тэмцээн зохион байгуулагдах гэж байна. Тус тэмцээнийг “Монголын Дрифт Нэгдэл”, “Замын Цагдаагийн газар”, “Авто худалдааны цогцолбор” зэрэг байгууллагууд хамтран зохион байгуулж байгаа бөгөөд тэмцээний Ерөнхий ивээн тэтгэгч байгууллагаар “NANKANG” дугуйн брэнд ажиллаж байна. Мөн “DOCTOR auto chain”, “АВТОХИМИ” ХХК, “Mon-Uil collection”, “ЭКО ОЙЛ”, “GOLDEN GYM” зэрэг байгууллагууд ивээн тэтгэж байна. Тус тэмцээн нь 2016 оны хамгийн сүүлчийн тэмцээн бөгөөд тамирчдад улсад бүртгэлтэй мэргэжлийн 2, 3 дугаар зэрэг цол олгохоороо онцлог байх юм. Тэмцээний шагналын сан нь 6 000 000 төгрөг байх ажээ.
Намрын нар шарсан энэ сайхан өдөр та бүхнийг гэр бүлээрээ хүрэлцэн ирж гал гарсан тулаануудыг үзэж сонирхохыг урьж байна.
