“UB robot challenge-2024” тэмцээний бүртгэлийг эхлүүлснээ нийслэлийн Бизнес, инновацын газраас өчигдөр мэдээлэв. Ерөнхий боловсролын сургуулийн сурагчид, их, дээд сургууль болон коллежийн оюутнууд, техник, технологид сонирхолтой залуус уг тэмцээнд оролцох боломжтой. Өсвөр насны хүүхдүүдэд технологийн суурь мэдлэг олгох, техник сэтгэлгээг нь хөгжүүлэхэд дэмжлэг үзүүлэх, инновацын соёлыг түгээн дэлгэрүүлэх зорилготой тус тэмцээнийг хоёр дахь жилдээ зохион байгуулах гэж буй нь энэ аж. Бүртгэлийг энэ сарын 17-ныг дуустал цахимаар явуулах нь. Тэмцээн 12 төрөлтэй бөгөөд энэ сарын 21-нд “Монгол тэмүүлэл” сургуульд зохион байгуулна.
