Соёлын гавьяат зүтгэлтэн, сэтгүүлч, судлаач Б.Галаарид, гэргий үндэсний хувцасны “Уран гоёл урлан” ХХК-ийг үүсгэн байгуулагч, докторант Ш.Должинсүрэнгийн хамт Үндэсний номын санд торгоор урласан 50 баринтаг бэлэглэжээ.
Монголчууд номын баринтаг хийхийг гурван үеийн буян, хүний хийх ёстой гурван сайн үйлийн нэг хэмээн бэлгэшээдэг юм.
Ном судрыг эрхэмлэн дээдэлж ирсэн монголчууд эртнээс баринтгийг торго, дурднаар хийхээс гадна малын арьс, мод тэргүүтнээр урладаг уламжлалтай. Орчин үед ч залуус судар номыг боох ваадан, номын баринтгийн хэрэглэдэг болсон гэнэ.
