Дисней компани хүүхдийн паркийн эрэгтэй ажилтандаа даашинз өмсөж, нүүр амаа будахыг зөвшөөрсөн нь олон нийтийн дургүйцлийг хүргэжээ. Энэ тухай “New York Post” сонинд бичжээ.
TikTok дээр бараг 7 сая хүн үзсэн бичлэгт Калифорни мужийн хүүхдийн Диснейланд паркад үлгэрийн баатрын даашинж өмссөн сахалтай эр Bibbidi Bobbidi Boutique” дэлгүүрт зочилж буй үйлчлүүлэгч хүүхдүүдтэй мэндчилж буйг харуулжээ.
“Намайг Ник гэдэг, би шидэт загалмайлсан эхийн шавь нарын нэг. Би танд хэрэгтэй бүх зүйлийг худалдаж авч, өдрийн сонголтыг чинь хийхээр ирсэн" гэж даашинж өмссөн сахалтай эр үйлчлүүлэгчдээ угтана.
Тэрбээр үзмэн ягаан өнгийн даашинз өмсөж, нүдээ хөх өнгөөр буджээ.
Бичлэгийг цахим хуудастаа нийтэлсэн эмэгтэй даашинзтай эрийн өмссөн хувцасыг шүүмжилээгүй, харин охинд нь нэрийн дэлгүүрээр зочлоход мартагдашгүй сэтгэгдэл төрүүлсэн ажилтныг магтсан байна.
Гэтэл уг бичлэг цахим ертөнцөд ихээхэн шүүмжлэл дагуулжээ.
"Хэлэлцэх асуудлаас өөр юу ч чухал биш, таны 4 настай хүүхдийг гар хөлөө болгон бол удирдахдаа тэд баяртай байна"
"Диснейд ийм ажилд орохыг хичнээн жинхэнэ охид хүсч байгаа гээч. Дисней түүнд энэ хувцсыг зүгээр ч өмсүүлээгүй"
"Хөөрхий Уолт [Дисней]-д тохиолдсон өв соёлын сүйрэлийг та хэзээ ч битгий амсаарай" гэх мэтээр олон мянган хэрэглэгчид дургүйцлээ илэрхийлжээ.
