"Абилимп-2023" мэргэжилийн ур чадварын тэмцээнээс манай оролцогч хүрэл медаль хүртлээ. Франц улсын Мэтц хотноо гуравдугаар сарын 24, 25-ны өдрүүдэд зохион байгуулсан олон улсын 10 дахь Абилимп буюу мэргэжлийн ур чадварын уралдаанд манай улсаас хөгжлийн бэрхшээлтэй 13 оролцогч эх орноо төлөөлөн оролцсон. Улмаар "Уран хатгамал"-ын төрөлд Х.Сэлэнгэ хүрэл медаль хүртлээ.
Тэд өнгөрсөн онд Монгол Улсад анх удаа зохион байгуулсан “Монгол абилимп-2022” уралдаанд шилдгээр шалгарч ийнхүү эх орноо төлөөлөн олон улсын тэмцээнд оролцсон юм. Тус тэмцээнд 32 орны оролцогчид 43 мэргэжилээр өрсөлдсөн юм.
