Израиль улс Газын зурваст пуужингийн цохилт өгсөн тухай “Reuters” мэдээлэв.
“Палестины дайчид Израилийн нутаг дэвсгэр рүү пуужин харвасны дараа Израилийн нисэх хүчин Газын зурваст цохилт өглөө” хэмээн мэдээлэлд өгүүлжээ.
Уг мэдээллийг Изралийн Батлан хамгаалах арми баталсан байна.
Өмнө нь тус хүчин Газын зурвасаас харвасан пуужинг устгасан тухай мэдэгдсэн юм.
Өнгөрсөн долоо хоногийн баасан гарагт Иордан голын баруун эргийн Женин хотод палестинчууд болон Израилийн цэргүүдийн хооронд мөргөлдөөн гарч, дор хаяж арван палестин хүн амиа алдсаны дараа хоёр тал харилцан пуужин харвасан байна.
