"Алтан бөмбөрцөг" энэ жил 80 дахь удаагаа болж, Нью-Йорк дэх Рокфеллер төвд Холливудын оддыг цуглууллаа.
Холливудын Гадаад Хэвлэлийн Холбооноос дэлгэцийн болон телевизийн бүтээлүүдэд олгодог эл шагналыг Холливудад ажилладаг 90 орчим олон улсын сэтгүүлчдийн санал хураалтад үндэслэн олгодог юм.
Өнгөрсөн жил Холливудын Гадаад Хэвлэлийн Холбоо (HFPA)-тай холбоотой дуулианы улмаас ёслолыг цуцалсан юм. HFPA-ийн гишүүдийг хээл хахуулийн хэрэгт буруутгаж, тэдний дунд өнгөт арьст сэтгүүлчид байхгүй байгааг Холливудын PR мэргэжилтнүүд ялгаварлан гадуурхалтын нэг хэлбэр гэсэн билээ. Үүнээс үүдэн Netflix, Amazon компанууд тус холбоотой хамтын ажиллагаагаа зогсоож, жүжигчид шагналаас татгалзаж, NBC суваг 2022 онд ёслолыг дамжуулахгүй байхаар шийдсэн билээ.
Асуудлыг шийдэхийн тулд тус холбооноос ажлаа шинэчлэх хөтөлбөрийг боловсруулсан аж. Тухайлбол 20 шинэ гишүүнийг гишүүнээр элсүүлж, арьс өнгөөр ялгаварлан гадуурхахгүй зарчмын дагуу бүрэлдэхүүнд өөрчлөлт оруулахаас гадна кино студи болон продюсеруудаас бэлэг авахыг холбооны гишүдэд хоригложээ.
Ийнхүү хэд хэдэн шинэчлэлий дараа энэхүү шагнал эргэн ирж байгаа нь энэ.
“Алтан бөмбөрцгийн” гол шагнал "Шилдэг драмын кино"-г найруулагч Стивен Спилбергийн "Фабелманийхан" бүтээл хүртэв.
Спилберг эл бүтээлээрээ шилдэг найруулагчаар ч шалгаруулжээ.
Жүжигчин, дуучин Остин Батлер "Драмын шилдэг эрэгтэй жүжигчин" төрөлд алдарт Элвис Преслигийн дүрээр “Алтан бөмбөрцгийн"-ын эзэн боллоо.
Шилдэг драмын эмэгтэй жүжигчнээр Кейт Бланшетт “Тар” киноны дүрээрээ шалгарчээ.
Оны шилдэг олон ангит драмын кино бол "Луугийн байшин" авах нь дамжиггүй байсан бол
Кевин Костнер “Йеллоустоун” кинонд тоглосон дүрээрээ "Алтан бөмбөрцөг"-ийн олон ангит драмын бүтээлийн шилдэг эрэгтэй жүжигчний шагналыг хүртэв.
Энэ төрлийн шилдэг эмэгтэй жүжигчнээр Зендая “Эйфори”(Хөөрөл) кинонд тоголсноор шалгарчээ.
Харин шилдэг гадаад хэл дээрх бүтээлийг “Аргентина1985” кино авсан байна.
"Инишерины Банши" (Инишерин арлын шулам) гэдэг аймаар нэртэй ч инээдмийн гэхээсээ гунигтэй гэмээр кино Шилдэг инээдмийн эсвэл мюзикл киноны төрөлд Бөмбөрцөгний эзэн болоод зогсохгүй шилдэг дэлгэцийн 4зохиол, энэ төрлийн шилдэг эрэгтэй жүжигчний шагналыг хүртсэн байна.
Жүжүигчин Мишель Йео "Алтан бөмбөрцөг" авсан цөөхөн ази гаралтай жүжигчдийннэг боловв. Тэрбээр инээдмийн эсвэл мюзикл кино төрлийн шилдэг эмэгтэй жүжигчний шагналыг шүүрчээ.
Инээдмийн эсвэл мюзкл олон ангит киноны төрөлд "Эбботт бага сургууль" олон ангит кино шилдэгийн эзэн болов.Энэ бүтээлийн эхний улирлын ангиуд нь телевизийн "Эмми " шагналд долоон төрөлд нэр дэвшиж гурвынх нь эзэн болж байсан юм.
Инээдмийн эсвэл мюзкл олон ангит киноны шилодэг эрэгтэй жүжигчнээр Джереми Аллен Уайт "Баавагай" зиноны дүрээрээ шалгарсан бол
шилдэг эмэгтэй жүжигчнээр Кинта Брансон "Эббот бага сургууль" киноны дүрээрээ авлаа.
Шилдэг ТВ кино, цуврал эсвэл мини цуврал: төрөлд "Цагаан бадамлянхуа" бүтээл шалгарсан байна
Тус төрлийн шилдэг эрэгтэй жүжигчний шагналыг Эван Питерс "Мангас: Жеффри Дамерын түүх" кинонд бодит цуврал алуурчний дүрийг бүтээснээрээ гардлаа.
Аманда Сейфрид энэ төрлийн шилдэг эмэгтэй жүжигчнээр "The Dropout" (Хасагдсан ) киноны дүрээрээ тодров.
Шилдэг хүүхэлдэйн бүтээлийн шагналыг италийн зохиолч Карло Каллодигийн дэлхийн дахинд алдаршсан "Пиноккиогийн адал" кохиолоор сэдэвлэсэн "Пиноккио Гильермо деТорро" бүтээлд олгосон байна.
