Өмнөд хөршийн даамын холбооноос зохион байгуулсан түргэн тоглолтын багийн цахим тэмцээнд Азийн орнуудын шигшээ багийнхан оролцлоо. Баг бүрээс гурван шилдэг тоглогч тойргоор өрсөлдсөн тус тэмцээнд Казахстаны даамчид түрүүлж, Узбекистаныхан удаалжээ. Манай тамирчдын хувьд III байрт шалгарч, хүрэл медаль хүртсэн байна. Даамын спорттой холбоотой өөр нэгэн мэдээ дуулгахад, Монголын даамын холбооноос ирэх амралтын өдөр “Сонирхогчдын лиг VIII” тэмцээн зохион байгуулах нь. Дэлхийн даамын холбооны албан ёсны программаар шүүн явуулах тус тэмцээнд оролцогчид швейцар системээр есөн өрөг тоглоно. Өндөр оноо авч, эхний гурван байрт шалгарсанд нь спортын дэд мастер цол зэрэг олгох юм.
Өчигдрөөс илүү маргаашийг
бүтээхийн төлөө
