Ойрын өдрүүдэд ОХУ-ын зарим хотуудад албан бус жагсаал, цуглаан болох тухай мэдээлэл нийгмийн сүлжээгээр тархаж байгаатай холбогдуулан Монгол улсаас ОХУ-д суугаа элчин сайдын яамнаас дараах мэдэгдлийг гаргажээ.
Тус мэдэгдэлд "ОХУ-д түр болон байнга оршин сууж буй иргэд, суралцаж байгаа оюутан та бүхэн хувийн аюулгүй байдлаа хангах, эрүүл мэндээ хамгаалах үүднээс тус улсад холбогдох байгууллагын зөвшөөрөлгүйгээр зохион байгуулагдах аливаа жагсаал, цуглаанд оролцохгүй байхыг зөвлөж байна. Мөн олон нийтийн арга хэмжээ болж буй газруудаар зорчихгүй байх, сонор сэрэмжтэй байхыг анхааруулж байна" гэв.
