Өнөөдөр Улаанбаатар хотод +21 градус дулаан, бага зэргийн аадар бороотой. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
9 дүгээр сарын 1-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 244 дахь өдөр бөгөөд он дуусахад 121 хоног үлдлээ.
- Цаг агаар өдөртөө 21 хэмийн дулаан бол шөнөдөө 5 градус дулаан байх нь ээ. Өдөртөө бага зэргийн аадар бороо орох гэнэ.
-
Билгийн тооллын XVII Жарны "Буян үйлдэгч" хэмээх Усан бар жилийн Намрын тэргүүн шар бич сарын 5. Бархасвадь гараг. Салхины эх одтой, хоёр хар мэнгэтэй улаагчин могой өдөр. Өдрийн наран 6 цаг 10 минутад мандан, 19 цаг 35 минутад жаргана. Тухайн өдөр тахиа жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр найз нөхдийг түшиж элдэв үйлийг түргэн бүтээх, бүтээл туурвил эхлэх, бизнэс эхлэх, цар ихтэй үйлийг эхлэх, бясалгал хийх, доодсг асран өглөг, хандив өргөх, хараал, жатхыг буцаах, газар лусын зан үйл хийх, өр барагдуулах, гэр бүрэхэд сайн. Ургаа мод таслах, газрын ам нээх зэрэг үйлд муу. Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод хойд зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна хэмээжээ.
“Найман шарга” валют арилжааны төвд ам.долларын авах ханш 3226.00 төгрөг, зарах нь 3230.00 төгрөг байна. Харин рублийн авах ханш 50.00, зарах ханш 50.20, юанийн авах ханш 470.00, зарах ханш 472.00, вонийн авах ханш 2.39, зарах ханш 2.41 төгрөг байна.
Өнөөдөр болох онцлох үйл явдлууд:
-
8.00 цагт УИХ-ын дарга Г.Занданшатар Монгол III сургуулийн хичээлийн шинэ жилийн нээлтэд оролцоно.
-
12.00 цагт Соёлын яамны байранд “Монголын сайхан бичигтэн-2021” улсын уралдааны бага болон ахлах ангийн төрлийн тэргүүн байрын шагналт Ү.Энхжин, Ү.Эмүжин нарын үзэсгэлэнгийн нээлт болно.
-
12.00 цагт Нийслэлийн ерөнхий боловсролын 29-р сургуульд сурагчдын хүсэлтэд үндэслэн сургалтын хөтөлбөрт шинээр оруулсан “Уран бичигтэн” уран бичлэгийн хичээл орж эхэлнэ.
-
13.00 цагт Ерөнхий сайд Л.Оюун-Эрдэнэ Баянзүрх дүүргийн төрийн бус өмчийн “Нарны үрс” цэцэрлэгийн ажилтай танилцана.
Энэ өдөр дэлхийн түүхэнд:
- Өнөөдөр Польш улсад Цагаан хоолны өдөр тохиож байна.
- Тайван улсад Сэтгүүлчдийн эрхийг хамгаалах өдөр тохиож байгаа аж.
- 1997 оны энэ өдөр БНСУ-ын алдарт BTS хамтлагийн гишүүн, дуучин Jungkook (Jeon Jung-Guk) мэндэлжээ.
- Мөн өнөөдөр ОХУ болон Украйн улсад Мэдлэгийн өдөр тохиож байна.
- Түүнчлэн өнөөдөр Монгол Улсад "Эх хэлний өдөр" тохиож байна.
