Коронавирусийн халдвар 83 хүнээс илэрч, нэг иргэн эндлээ

Улсын хэмжээнд өнгөрсөн хоногт коронавируст халдварын 83 тохиолдол PCR шинжилгээгээр батлагдлаа. Тодруулбал, 30 нь нийслэлд, 53 нь орон нутагт бүртгэгджээ. Ингээд өнөөдрийн байдлаар манай улсад батлагдсан КОВИД-19-ийн нийт тохиолдлын тоо 979,178 боллоо. 

Мөн хугацаанд халдар авсан 408 хүн эдгэрсэн бол Улаанбаатарт нэг иргэн КОВИД-19-ийн хүндрэлээр нас барсан байна. Ингэснээр КОВИД-19-ийн хүндрэл, архаг суурь өвчин хавсарсан шалтгаанаар амиа алдсан иргэний тоо 2,128 болж байна.