Өнөөдөр Улаанбаатар хотод 21 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр 8 дугаар сарын 17-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 229 дахь өдөр бөгөөд он дуусахад 136 хоног үлдлээ.
- Цаг агаар өдөртөө 21 градусын дулаан, бага зэргийн бороотой бол шөнөдөө +12 градус дулаан, үүлшинэ.
-
Билгийн тооллын XVII Жарны "Буян үйлдэгч" хэмээх Усан бар жилийн Зуны адаг улаагчин хонь сарын 21. Буд гараг. Шийдэм одтой, найман цагаан мэнгэтэй хар бар өдөр. Өдрийн наран 5 цаг 50 минутад мандан, 20 цаг 03 минутад жаргана. Тухайн өдөр нохой жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, амилуулах, өглөгийн түллэг хийх, хишиг дуудуулах, хот балгадын үйл, цэрэг, цагдаагийн үйл, гэр, байшингийн суурь тавихад сайн. Золиг гаргах, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод баруун урагш мөрөө гаргавал зохистой. Үс шинээр үргээлгэх буюу засуулахад тохиромжгүй бөгөөд өвчин ирнэ хэмээжээ.
- “Найман шарга” валют арилжааны төвд ам.долларын авах ханш 3197.00 төгрөг, зарах нь 3205.00 төгрөг байна. Харин рублийн авах ханш 49.60, зарах ханш 50.00, юанийн авах ханш 472.00, зарах ханш 476.00, вонийн авах ханш 2.41, зарах ханш 2.43 төгрөг байна.
Өнөөдөр болох онцлох үйл явдлууд:
-
9.00 цагт Монголын хуульчдын холбоо, НЗДТГ-тай хамтран иргэдэд утсаар хууль, эрх зүйн төлбөргүй зөвлөгөө өгнө. Утас: 75050801, 75050802, 75050803, 75050804
-
10.00 цагт "Шангри-Ла" зочид буудалд "АмЧам Монголиа" байгууллагын сар бүрийн ээлжит уулзалт "2022 оны хөрөнгө оруулалтын орчны мэдэгдэл: Монгол Улс" сэдвийн хүрээнд болно. Утас: 99091557
-
11.00 цагт ҮСХ-ны байранд статистикийн байгууллагаас Монгол Улсын нийгэм, эдийн засгийн тоон үзүүлэлтийг танилцуулна.
-
18.30 цагт "Улаан гэр” уран зургийн галерейд Монголын урлагийн зөвлөлөөс зохион байгуулж буй уран бүтээлч Э.Билэгтийн "Төрөлтөн" контемпорари зураасан зургийн үзэсгэлэнгийн нээлт болно.
Энэ өдөр дэлхийн түүхэнд:
- 1712 оны энэ өдөр Дани, Шведийн хооронд тэнгисийн хүчний асар том тулаан болжээ.
- 1771 оны энэ өдөр Английн эрдэмтэн Ж.Пристли фотосинтезийг нээжээ.
- 1866 оны энэ өдөр Бадены Их вант Германы Холбооноос гарч буйгаа мэдэгдэн, Прусстэй энхийн гэрээ тогтоожээ.
- 1892 оны энэ өдөр Орос, Франц цэргийн нууц гэрээ байгуулжээ.
- 1896 оны энэ өдөр Брижет Дрискол гэгч машинд дайруулсан анхны хохирогч болжээ.
- 1903 оны энэ өдөр Жозеф Пулитцер өөрийн нэрэмжит шагналыг байгуулжээ.
- 1914 оны энэ өдөр Дэлхийн нэгдүгээр дайны Сталлупёнены тулалдаан болжээ. Энэ тулалдаанд Герман фон Франсуагаар удирдуулсан Германы арми Пауль фон Ренненкампфаар удирдуулсан Оросын цэргийн бут цохижээ.
- 1916 оны энэ өдөр румын улс Антантын орнуудтай нууц гэрэ
