Наймдугаар сарын 15-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 227 дахь өдөр бөгөөд он дуусахад 138 хоног үлдлээ.
- Цаг агаар өдөртөө 25 хэмийн дулаан бол шөнөдөө 18 градус дулаан байх нь ээ.
-
Билгийн тооллын XVII Жарны "Буян үйлдэгч" хэмээх Усан бар жилийн Зуны адаг улаагчин хонь сарын 19. Сумъяа гараг. Могойг хүлэгч одтой, нэг цагаан мэнгэтэй цагаан хулгана өдөр. Өдрийн наран 5 цаг 47 минутад мандан, 20 цаг 07 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, хүүхэд үрчлэн авах, улааны үйл, хур оруулах, дархны үйлд сайн. Төлгө тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урд зүгт мөрөө гаргавал зохистой. Үс шинээр үргээлгэх буюу засуулбал сайн нөхөртэй нөхөрлөнө хэмээжээ.
- Валют арилжааны төвд ам.долларын авах ханш 3195.00 төгрөг, зарах нь 3200.00 төгрөг байна. Харин рублийн авах ханш 49.50, зарах ханш 50.00, юанийн авах ханш 474.00, зарах ханш 476.00, вонийн авах ханш 2.43, зарах ханш 2.45 төгрөг байна.
Өнөөдөр болох онцлох үйл явдлууд:
- 9.00 цагт "Эх, нярай, эмэгтэйчүүдийн төв II"-т Япон улсын засгийн газраас Монгол Улсын Засгийн газарт Хөгжлийн төлөвлөлтийн техник хамтын ажиллагааны хүрээнд КОВИД-19 -ийг эмчлэх, урьдчилан сэргийлэх, Эх хүүхдийн эрүүл мэндийн тусламж үйлчилгээг сайжруулах төслийн хүрээнд түргэн тусламжийн машин гардуулна. Утас: 99991630, 99957994
- 11.00 цагт Сүхбаатарын талбайд Монголын нийт авто тээвэрчдийн нэгдсэн холбооноос үнийн өсөлтийн талаар хэвлэлийн хурал хийнэ.
- 12.00 цагт Улаанбаатар дахь "Русский дом"-д Олон улсын хүүхдийн төв “Артек”-д амарсан охид, “Манжерок” наадам, «Евразия Global» чуулганы оролцогч, «Ах дүүгийн барилдлагатай Красноярск, Улаанбаатар» уралдааны ялагч нар Россотрудничество агентлагийн «Здравствуй, Россия!» хөтөлбөрийн хүрээнд томоохон төслүүдэд амжилттай оролцсон талаар мэдээлнэ.
- 12.00 цагт “Үндэсний мэдээллийн төв”-д Монгол, Япон улс дипломат харилцаа тогтоосны 50 жилийн ойн хүрээнд "Сүүн зам" бүжгийн наадам Улаанбаатар хотноо болох талаар НАЖГ, тус наадмын зохион байгуулах баг хэвлэлийн хурал хийнэ.
Энэ өдөр дэлхийн түүхэнд:
- Поланд улсад цэргийн алба хаагчдын баярын өдөр тохиож байна.
- Ираландад эмэгтэйчүүдийн эрхийг хамгаалах өдөр тохиож байна.
- 2008 оны энэ өдөр Америкийн сэтгүүлч Jerry Wexler таалал төгсжээ.
- 1978 оны энэ өдөр Грекийн хөлбөмбөгч Stavros Tziortziopoulos мэндэлжээ.
