Өнөөдөр Улаанбаатар хотод +24 градус дулаан, үүлтэй. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
Өнөөдөр наймдугаар сарын 11
Өглөөд заавал мэдэж байх ёстой зүйлүүд:
- Өнөөдөр бол жилийн 223 дахь өдөр бөгөөд он дуусахад 144 хоног үлдлээ.
- Цаг агаар өдөртөө +24 градусын дулаан, бага зэрэг бүрхэг бол шөнөдөө +11 градус дулаан, үүлшинэ.
-
Билгийн тооллын XVII Жарны "Буян үйлдэгч" хэмээх Усан бар жилийн Зуны адаг улаагчин хонь сарын 14. Бархасвадь гараг. Булаагч одтой, таван шар мэнгэтэй улаан бич өдөр. Өдрийн наран 5 цаг 42 минутад мандан, 20 цаг 13 минутад жаргана. Тухайн өдөр хулгана жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал, адгуус номхруулах, сүм дуганыг сэргээх, бүжиг наадам хийх, цэцэрлэг байгуулах, урлан бүиээхэд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн зүгт мөрөө гаргавал зохистой. Үс шинээр үргээлгэх буюу засуулбал эд, мал арвидна хэмээжээ.
- Валют арилжааны төвд ам.долларын авах ханш 3192.00 төгрөг, зарах нь 3200.00 төгрөг байна. Харин рублийн авах ханш 49.40, зарах ханш 50.00, юанийн авах ханш 473.50, зарах ханш 476.00, вонийн авах ханш 2.42, зарах ханш 2.44 төгрөг байна.
Өнөөдөр болох онцлох үйл явдлууд:
-
11.00 цагт "Шонхор Тауэр"-т АН-ын "4/11 Мэдээллийн цаг" болно. Утас: 91000017
-
12.00 цагт "Үндэсний мэдээллийн төв”-д Баянхонгор аймгийн иргэд БОАЖ-ын сайд Б.Бат-Эрдэнэд хандах талаар хэвлэлийн хурал хийнэ.
Энэ өдөр дэлхийн түүхэнд:
- Бүгд Найрамдах Чад Улс 1960 онд Францаас салан тусгаарлаж, албан ёсоор Бүгд Найрамдах засаглалтай болжээ.
- Өнөөдөр Пакистан улсад Үндэсний далбааны өдөр тохиож байгаа юм байна.
- Япон улсад жил бүрийн энэ өдрийг "Уулын өдөр" болгон тэмдэглэдэг аж.
- 1920 оны энэ өдөр Америкийн домогт дуучин, алдарт ток шоуны хөтлөгч Mike Douglas мэндэлж байжээ.
- 2012 онд Иран улсын Табриз мужийн ойролцоо хоёр удаа хүчтэй газар хөдөлж, 306 хүн амь насаа алдаж, 3000 гаруй хүн бэртэж гэмтсэн хэрэг гарч байжээ.
