Өнөөдөр гадаа 28 градусын дулаан байна. Цаг, агаар, зурхай, валютын ханш гээд таны энэ өдрийн ажилд хэрэгтэй бүхий л мэдээллийг багцлан хүргэе. Өдрийг сайхан өнгөрүүлээрэй.
7 дугаар сарын 24-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 205 дахь өдөр бөгөөд он дуусахад 160 хоног үлдлээ.
- Цаг агаар өдөртөө 28 хэмийн дулаан бол шөнөдөө 16 градус дулаан байх нь ээ.
- Билгийн тооллын 4, Бага морь одтой, шар луу өдөр. Өдрийн наран 5 цаг 19 минутад мандан, 20 цаг 38 минутад жаргана. Тухайн өдөр хулгана, бич жилтнээ аливаа үйлийг хийхэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба угаал үйлдэх, бороо хур оруулах, зэтгэрийг номхотгох, хөгжмийн зэмсэг урлахад сайн. Гүүр тавих, газар ухах, гөлөг тэжээхэд муу. Өдрийн сайн цаг нь бар, луу, могой, бич, тахиа, гахай болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал бие эрхтний, хүч сайжирна.
- “Найман шарга” валют арилжааны төвд ам.долларын авах ханш 2846.00 төгрөг, зарах нь 2848.00 төгрөг байна. Харин рублийн авах ханш 40.30, зарах ханш 40.60, юанийн авах ханш 406.50, зарах ханш 407.00, вонийн авах ханш 2.38, зарах ханш 2.39 төгрөг байна.
Өнөөдөр болох онцлох үйл явдлууд:
- 09.00 цагт “Хөдөлмөр эрхлэлтийн цогц үйлчилгээ”-нд хамрагдах иргэдийг Нийслэлийн үйлчилгээний нэгдсэн төвийн "Дүнжингарав" салбар дахь "Хөдөлмөр эрхлэлтийг дэмжих төв"-д бүртгэж эхэлнэ.
- 11.00 цагт ЭМЯ-наас шинэ коронавирусний нөхцөл байдлын талаар мэдээлнэ.
- 12.00 цагт ГХЯ-наас цаг үеийн байдал болон хийж хэрэгжүүлсэн онцлох ажлын талаар мэдээлнэ.
Энэ өдөр дэлхийн түүхэнд:
- Өнөөдөр Польш улсад Цагдаа нарын баярын өдөр тохиож байна.
- Мөн өнөөдөр Венесуэлд Усан цэргийн баярын өдөр тохиож буй.
- 1982 оны энэ өдөр Канадын алдарт жүжигчин, Brookstreet Pictures кино студийг үүсгэн байгуулагч Trevor Matthews мэндэлжээ.
- 1990 оны энэ өдөр Английн дуучин, Их Британийн "The wanted" хамтлагийн дуучин Jay McGuiness мэндэлжээ.
- 1977 онд Ливи болон Египетийн дөрвөн хоногийн турш үргэлжилсэн дайн эцэс болжээ.
- 1982 онд Японд ширүүн аадар бороо орсны улмаас Nagasaki дахь гүүр эвдэрч 299 хүн амь насаа алдаж байжээ.
