Өнөөдрийн тухай таны мэдэх ёстой 14 зүйл: Хөх толботнуудын нууц мэдлэг сэдвээр хэвлэлийн бага хурал болно

12 дугаар сарын 14-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 344 дахь өдөр бөгөөд он дуусахад 17 хоног үлдлээ.
2. Цаг агаар өдөртөө -15 хэмийн хүйтэн бол шөнөдөө -21 градус хүйтэн байх нь ээ. 
3. Билгийн тооллын 27, Салхины эх одтой, хөхөгчин гахай өдөр. Эл өдөр найз нөхдийг түшиж, доодост туслах, бясалгал хийх, бүтээл туурвил хийх, өглөг өгөх,  жинтэй ажил эхлүүлэхэд сайн. архи уух, тамхи татах, сэтгэл муутантай нөхөрлөхийг цээрлэх хэрэгтэй. 
4. Манай улсын голлох валют болох ам.долларын ханш 2436.00 төгрөгтэй тэнцэж байгаа бол бусад валют болох рубль 41.50, юань 367.30, вон 2.19 төгрөг байна.

Өнөөдөр болох онцлох үйл явдлууд: 

1. МУИС-ийн Номын сангийн 5 давхарын хурлын танхимд 13.00 цагаас “ИХ СУРГУУЛЬ АЖ ҮЙЛДВЭРИЙН ХАМТЫН ХӨГЖИЛ” форум болох гэж байна. Энэхүү форум нь судалгаанд суурилсан эрдэм шинжилгээний байгууллага, мэдлэгт суурилсан эдийн засгийн бүтцийг бий болгох зорилгын хүрээнд Монгол Улсад анх удаа зохион байгуулагдаж байгаа юм. 
2. Монгол Улсын Ерөнхий сайд У.Хүрэлсүх Үндэсний батлан хамгаалахын их сургуульд  14.00 цагт айлчилж тус сургуулийн үйл ажиллагаатай танилцан, Аюулгүй байдлын сургуулийн Нийгэм хүмүүнлэгийн тэнхимийн 50 жилийн ойн баярын хуралд оролцоно.
3. БОАЖ-ын сайд Н.Цэрэнбатын санаачилгаар “Ойн доройтол, хомсдлыг бууруулах замаар уур амьсгалын өөрчлөлтийг сааруулах Үндэсний хөтөлбөрийг боловсруулах шаардлага, хөрөнгө оруулалтын боломжууд” сэдэвт уулзалт маргааш Шангрила зочид буудлын Парис танхимд болно. УИХ-ын Байгаль орчин, хүнс хөдөө аж ахуйн байнгын хорооны бүх гишүүн, НҮБ, олон улсын байгууллагуудын төлөөлөл оролцно. 
4. Үндэсний мэдээллийн төвд 11:30 цагаас "Монгол үндэстний уламжлалт зан үйлийн өргөө" НҮТББ-аас Хүн төрөлхтөнийг аврах өв гүн ухаан буюу хөх толботнуудын нууц мэдлэг сэдвээр хэвлэлийн бага хурал зарлалаа.
5. "Хэвтэн эмчлүүлэх байрны нээлт"-ийн арга хэмжээ. Төрийн тусгай албан хаагчдын нэгдсэн эмнэлэг нь дахин сэргээн байгуулагдан, жилийн хугацаанд зөвхөн амбулаторийн тусламж, үйлчилгээ үзүүлж байгаа билээ. Эмнэлгийн Б блок болох 10 тасаг бүхий 240 ортой, 6 хагалгааны өрөөтэй байрыг ашиглалтад оруулахад бэлэн болоод байна. Уг байрны нээлтийн арга хэмжээ төрийн тусгай албан хаагчдын нэгдсэн эмнэлэгт 12:00 цагт болно. Холбогдох утас: 9908-0259

Энэ өдөр дэлхийн түүхэнд: 

1. Өнөөдөр олон улсын "сармагчны өдөр"
2. Энэ өдөр НАСА Сугар гариг луу сансрын хөлөг нисгэж байсан. 
3. 1567 оны энэ өдөр гүнж Мэри Скюат Шотландын хатан хаан болж байжээ. 
4. 1915 оны энэ өдөр Америкийн бүжигчин, жүжигчин Дан Дали мэндэлжээ.
5. 1953 оны энэ өдөр Маржори насан эцэслэжээ.