11 дүгээр сарын 29-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 333 дахь өдөр бөгөөд он дуусахад 32 хоног үлдлээ.
- Цаг агаар өдөртөө -18 хэмийн хүйтэн бол шөнөдөө -28 градус хүйтэн байх нь ээ.
- Билгийн тооллын 11, хоёр хар мэнгэтэй цагаан бич өдөр. Өнөөдөр үсээ авахуулах буюу засуулбал эрхтэн хурц болох гэнэ. Энэ өдөр хулгана, луу жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2447.00 төгрөгтэй тэнцэж байгаа бол бусад валют болох рубль 42.00, юань 371.00, вон 2.22 төгрөг байна.
Өнөөдөр болох онцлох үйл явдлууд:
- Корпорейт зочид буудлын 6 давхрын хурлын танхимд 14.00 цагаас "Зээлийн хүү бууруулах үндэсний стратеги" зөвлөлдөх уулзалт болно.
- 08.00-11.00 цагийн хооронд ГССҮТ-ийн В1 зааланд Жендэрт суурилсан хүчирхийллийн эсрэг 16 хоногийн аяны хүрээнд ГССҮТ-ийн Гэр бүлийн бүлгийн хүчирхийлэлд өртөгсдөд тусламж үзүүлэх “Нэг Цэгийн Үйлчилгээ”-ний төвийн үйл ажиллагааг ард иргэд, олон нийтэд таниулах өдөрлөг зохион байгуулагдана.
- Монгол Улсын Хүний эрхийн Үндэсний Комисс "Equal Rights Trust” олон улсын байгууллагатай хамтран "GSP+ хөтөлбөрт хамрагдаж буй орнуудад олон улсын гэрээний хэрэгжилт, түүнд тавих мониторинг сайжруулах нь" сэдэвт сургалтыг Улаанбаатар хотноо зохион байгуулж байна.
- 14.00-17.00 цагт Иргэний танхимд Монгол Улсын Ерөнхийлөгчийн санаачилгаар “Улсын хөгжил, төрийн бодлогод эрдэмтдийн оролцоог нэмэгдүүлье” сэдэвт нээлттэй хэлэлцүүлэг болно.
- 11.00 цагт Монголын Үндэсний музейд "ХӨГЖЛИЙН БЭРХШЭЭЛТЭЙ ИРГЭДЭД МУЗЕЙ ҮЗҮҮЛЭХ БОЛОМЖ БҮРДҮҮЛЭХ" төслийн хандивийн үйл ажиллагаа болно.
Энэ өдөр дэлхийн түүхэнд:
- 1938 оны энэ өдөр Кашивадо Цүёши сүмогийн 47 дахь ёкозүна мэндэлж байжээ.
- 1988 оны энэ өдөр Америкийн алдарт хөлбөмбөгийн тамирчин Russell Wilson мэндэлжээ.
- 1965 онд Канадын сансрын агентлаг "Alouette 2" хэмээх сансрын хиймэл дагуулыг хөөргөжээ.
- 1987 онд БНСУ-ын "Flight 858" нислэг осолдож, онгоцонд сууж явсан 115 хүн амь насаа алджээ.
- 2009 онд Америкийн иргэн Maurice Clemmons Вашингтон хотын нэгэн кофе шоп дото сууж байсан цагдаагийн дөрвөн ажилтныг буудаж, амь насыг нь хороосон байна. Ингэснээрээ тэрбээр насаараа хорих ялаар шийтгүүлсэн байна.
