Өнөөдрийн тухай таны мэдэх ёстой 15 зүйл: 130.000 гаруй ээжүүд, эмэгтэйчүүдийн барьсан цэцэрлэгийн өргөтгөлийн нээлт болно

11 дүгээр сарын 23-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 327 дахь өдөр бөгөөд он дуусахад 40 хоног үлдлээ.
2. Цаг агаар өдөртөө -11 хэмийн хүйтэн бол шөнөдөө -19 градус хүйтэн байх нь ээ. Бага зэргийн цас орох гэнэ.
3. Билгийн тооллын 5, найман цагаан мэнгэтэй хөх бар өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр морь жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2445.00 төгрөгтэй тэнцэж байгаа бол бусад валют болох рубль 41.40, юань 369.50, вон 2.21 төгрөг байна.

Өнөөдөр болох онцлох үйл явдлууд: 

1. 10.00 цагт Хvvхдийн номын ордны их танхимд Улсын алдарт гавъяат уран зохиолч, судлаач, тер, нийгиийн зvтгэлтэн Сономбалжирын Буяннэмэхийн мэндэлсэний 115 жилийн ойд зориулсан "МОНГОЛ БИЧГИЙН ИХ ХVН СОНОМБАЛЖИРЫН БУЯННЭМЭХ" эрдэм шинжилгээний хурал, номын нээлт болно.
2. 09.00 цагаас "Шийдвэр гаргагч нарын оролцоог нэмэгдүүлье" Сүрьеэгийн үндэсний сургалт ЧУУЛГАН "Blue sky" төвийн 3 давхрын DIAMOND хурлын танхимд болно.
3. "Сайхан бүсгүй" группийн 130.000 гаруй ээжүүд, эмэгтэйчүүд нийлэн өөрсдийн хандиваар нэгэн цэцэрлэгийн өргөтгөлийн барилгыг барьж, тохижуулж бүрэн дуусгасан бөгөөд 13.00 цагт ХУД, Яармагийн эцсийн 73-р цэцэрлэг дээр хүлээлгэн өгөх гэнэ.
4. 11.00 цагаас Зууны мэдээ сонины Үндэсний мэдээллийн төвд Архивын ерөнхий газраас Монгол улсад орчин цагийн архивын салбар үүсч хөгжсөний 90 жилийн ой арванхоёрдугаар сарын 5-ны өдөр тохиох гэж байгаатай холбоотойгоор зохион байгуулах үйл ажиллагаа, арга хэмжээнүүдийн тухай мэдээлэл хийнэ.
5. Ус, цаг уур судалгаа мэдээллийн хүрээлэн, Япон улсын Нагояа Их Сургууль, Пипл Ин Нийд ОУТББ, Их Британи улсын Оксфордын Их Сургууль, oлон улсын Улаан Загалмай нийгэмлэг хамтран зохион байгуулж буй "Монгол дахь бэлчээрийн мал аж ахуй, засаглал болон зудын эрсдэл" мэдлэг солилцох чуулган Цаг уур, орчны шинжилгээний газрын хурлын танхимд 09.30-16.30 цагийн хооронд болно.
6. МҮОНРТ-ийн “НЭЭЛТТЭЙ ХААЛГАНЫ ӨДӨР” 12.00 цагт МҮОНРТ-ийн төв байранд болно.
7. Уул уурхай, хүнд үйлдвэрийн сайд Д.Сумъяабазар 14.00 цагаас Үндэсний хөгжлийн газрын хурлын танхимд /3 давхарт/ салбарынхаа мэргэжлийн холбоодын удирдлагуудтай уулзалт хийнэ.

Энэ өдөр дэлхийн түүхэнд: 

1. Өнөөдөр бол Сэтгүүлчдийн эсрэг гэмт хэрэг ял шийтгэлгүй өнгөрөхийн эсрэг тэмцэх олон улсын өдөр юм байна.
2. 1896 оны сүмогийн 31 дахь ёкозүна Цүнэнохана Кан-Ичи мэндэлжээ.
3. 1992 оны энэ өдөр Америкийн алдарт дуучин Miley Cyrus мэндэлжээ.
4. 2001 оны энэ өдөр Унгарын Будапешт хотноо Кибер гэмт хэргийн тухай конвенц батлагджээ.