11 дүгээр сарын 21-ний өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 325 дахь өдөр бөгөөд он дуусахад 42 хоног үлдлээ.
- Цаг агаар өдөртөө -13 хэмийн хүйтэн бол шөнөдөө -18 градус хүйтэн байх нь ээ. Мөн өдөр, шөнөдөө бага зэргийн цас орох гэнэ.
- Билгийн тооллын 3, нэг цагаан мэнгэтэй хар хулгана өдөр. Өнөөдөр үсээ авахуулах буюу засуулбал эд мал баялаг төгөлдөр болох гэнэ. Энэ өдөр луу жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2447.00 төгрөгтэй тэнцэж байгаа бол бусад валют болох рубль 41.50, юань 369.30, вон 2.21 төгрөг байна.
Өнөөдөр болох онцлох үйл явдлууд:
- “Хүүхэд ба утаа” төслийн нээлт 80 дугаар цэцэрлэгийн урлагийн танхимд 15.00-17.00 цагийн хооронд болно.
- Сайхан Хотын төлөө Сайн бизнесийг дэмжье” аяныг Монгол Ньюс-д болох хэвлэлийн бага хурлаар олон нийтэд зарлах гэж байна.
- Сүрьеэгээс урьдчилан сэргийлэхэд “Шийдвэр гаргагч нарын оролцоог нэмэгдүүлье” сэдэвт Үндэсний сургалт, семинарыг зохион байгуулах талаар хэвлэлийн бага хурал MN 25 дугаар суваг телевизийн хурлын танхимд 11.00 цагт болно.
- “Халдварын сэргийлэлт, хяналтын тогтолцоог бэхжүүлэх нь” үндэсний зөвлөгөөн 09.00 цагаас ЭМЯ-ны хурлын танхимд болно. Үндэсний зөвлөгөөнийг нээж Улсын Их Хурлын гишүүн, Эрүүл мэндийн сайд Д.Сарангэрэл, ДЭМБ-ын суурин төлөөлөгч Сергей Диордица, АХБ-ны суурин төлөөлөгч Ёланда Фернандез Ломмен нар оролцож үг хэлнэ.
- Шинжлэх ухааны ажилтны өдрийг тохиолдуулан ШУА-ийн Хими, химийн технологийн хүрээлэн нээлттэй хаалганы өдөрлөг зохион байгуулна.
Энэ өдөр дэлхийн түүхэнд:
- Өнөөдөр Дэлхийн телевизийн өдөр тохиож байгаа юм байна.
- Мөн өнөөдөр Олон улсын Дуу хөгжимгүй өдөр юм байна.
- 1991 оны энэ өдөр Английн хөлбөмбөгийн тамирчин Левис Данк мэндэлжээ.
- 2009 онд БНХАУ-ын хойд хэсэгт бөмбөг тэсэрч, 108 хүний амийг авч оджээ.
- 2002 онд НАТО Болгар, Румын, Латив, Словен тэргүүтэй долоон улсыг гишүүн орон болох санал тавьжээ.
