11 дүгээр сарын 20-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 324 дахь өдөр бөгөөд он дуусахад 41 хоног үлдлээ.
- Цаг агаар өдөртөө -7 хэмийн хүйтэн бол шөнөдөө -17 градус хүйтэн байх нь ээ.
- Билгийн тооллын 2, хоёр хар мэнгэтэй цагаагчин гахай өдөр. Өнөөдөр үсээ авахуулах буюу засуулбал хэл ам, хрэүүл тэмцэл ирэх гэнэ. Энэ өдөр хонь, туулай жилтнээ аливаа үйлийг хийхэд эерэг сайн, могой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2448.00 төгрөгтэй тэнцэж байгаа бол бусад валют болох рубль 42.50, юань 370.00, вон 2.22 төгрөг байна.
Өнөөдөр болох онцлох үйл явдлууд:
- 10.00-13.00 цагт Нээлттэй Нийгэм Хүрээлэн дээр НҮБ-ын Хүүхдийн эрхийн хорооноос Монгол Улсын Засгийн газарт ирүүлсэн дүгнэлт зөвлөмжийг ТББ-ууд танилцуулна.
- ЮНЕСКО-ийн Монголын үндэсний комисс, ГХЯ, БОАЖЯ, БСШУСЯ, Хан Хэнтийн УТХГ-ын Хамгаалалтын захиргаатай хамтран “Дэлхийн өвийн менежментийн асуудлууд–Бурхан халдун уул, түүнийг хүрээлсэн тахилгат газар нутаг” сэдэвт уулзалт хэлэлцүүлгийг Цэнгэг усны нөөц, байгаль хамгаалах төвд зохион байгуулна.
- ХДХВ, ДОХ-ын Дэлхий нийтийн анхаарал хандуулах өдрийг угтаж Монгол Улсад болон дэлхий нийтийн ХДХВ, ДОХ-ын өнөөгийн байдлын талаар мэдээлэл өгөх уулзалт, ярилцлага 11.00 цагаас Хэвлэлийн хүрээлэнд болно.
- 11.30 цагаас Зууны Мэдээ хэвлэлийн төвд MAXH-ын удирдлагууд цаг үеийн асуудлаар хэвлэлийн бага хуралтай.
- Зууны мэдээ сонины Үндэсний мэдээллийн төвд 11.00 цагаас "Зэс эрдэнийн хувь" компанийн хувьцаа эзэмшигч хохирогчид хэвлэлийн бага хурал зарлалаа.
Энэ өдөр дэлхийн түүхэнд:
- Өнөөдөр Английн хатан хаан II Элизабетийн хуримын ойн өдөр тохиож байгаа аж.
- Мөн өнөөдөр Ижил хүйстнүүдийн эрхийг хамгаалах өдөр тохиож байна.
- Мексик улсад Хувьсгалын ойн өдөр тохиож байгаа аж.
- 1983 оны энэ өдөр Америкийн реппер Future мэндэлжээ.
- 1998 онд Олон улсын сансрын станц болох анхны модул Zarya-г хөөргөжээ.
