Өнөөдрийн тухай таны мэдэх ёстой 16 зүйл: "Мөнх тэнгэрийн бичиг-2017" монгол бичгийн уран бичлэгийн үзэсгэлэн нээлтээ хийнэ

11 дүгээр сарын 17-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 321 дахь өдөр бөгөөд он дуусахад 44 хоног үлдлээ.
2. Цаг агаар өдөртөө -16 хэмийн хүйтэн бол шөнөдөө -25 градус хүйтэн байх нь ээ. 
3. Билгийн тооллын 29, таван шар мэнгэтэй шар бич өдөр. Өнөөдөр үсээ авахуулах буюу засуулбал сүлд тэнэж одох гэнэ. Энэ өдөр хулгана, луу жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2450.00 төгрөгтэй тэнцэж байгаа бол бусад валют болох рубль 41.20, юань 370.00, вон 2.20 төгрөг байна.

Өнөөдөр болох онцлох үйл явдлууд: 

1. БСШУСЯ, ШУАкадемийн “Эрдэм клуб” хамтран 19 дахь “Эрдэмтдийн үг” цуврал лекцийг ШУА-ийн салбарын Бага чуулганы ЭНБДарга, Техникийн ухааны доктор, дэд профессор Г.Пүрэвдорж "Сэргээгдэх эрчим хүч бидний амьдралд" сэдвээр тавина. Тус лекц Спортын төв ордны зүүн хойно байрлах “Танан” төвийн хурлын танхимд 15.00 цагаас болно.
2. Монгол бахархлын өдөрт зориулан Монгол Улсын Ерөнхийлөгчийн санаачилгаар зохиож буй "Мөнх тэнгэрийн бичиг-2017" монгол бичгийн уран бичлэгийн үзэсгэлэнгийн нээлт 12.00 цагаас Монголын Хүүхдийн урлан бүтээх төвийн “Орд” үзэсгэлэнгийн танхимд болно.
3. Дэлхийн Шинжлэх Ухааны өдөр болон Шинжлэх Ухааны Ажилтны өдрийг тохиолдуулан ШУА-ийн Ерөнхий болон Сорилын Биологийн хүрээлэн 10.00-16.00 цагт “Нээлттэй хаалганы өдөрлөг”-ийг зохион байгуулна. 
4. Дэлхий дахин зам тээврийн осол, эндэгдэлд өртөгсөдийн дурсгалыг хүндэтгэх өдрийг жил бүрийн 11-р сарын 3 дахь 7 хоногийн “Ням” гарагт тэмдэглэн өнгөрүүлдэг. Энэ жилийн хүндэтгэлийн өдрийг өнөөдөр МБШТөв Гандантэгчэнлин хийд, Замын цагдаагийн алба, Нийгмийн эрүүл мэндийн үнэдсний төв хамтран тэмдэглэн өнгөрүүлэх гэж байна. Өдөрлөг 09.00 цагаас эхэлнэ.
5. Уул уурхай, хүнд үйлдвэрийн сайд Д.Сумъяабазар Сонгинохайрхан дүүргийн түгээмэл тархацтай ашигт малтмал олборлох болон боловсруулах үйлдвэрүүдийн үйл ажиллагаатай танилцана.
6. "Тамхи таны сонголт биш" өглөөний цайны уулзалт МУИС-ийн 24 цагийн номын сангийн Cafe book-т 08.30-10.00 цагт болно.
7. MN мэдээллийн төвд 11.00 цагаас МАН-ын гишүүд, Намын анхан шатны байгууллагын төлөөлөл XXVIII их хуралтай холбогдуулан мэдэээлэл хийнэ.

Энэ өдөр дэлхийн түүхэнд: 

1. Өнөөдөр Чех болон словак улсад Эрх чөлөө, Ардчиллын төлөөх тэмцлийн өдөр тохиож байна.
2. 1988 оны энэ өдөр Америк гаралтай Солонгос дуучин Эрик Нам мэндэлжээ.
3. Өнөөдөр Оюутан, сурагчдын олон улсын өдөр тохиож байгаа юм байна.
4. 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
5. 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.
6. 2012 онд Египетэд нэгэн төмөр замын гарам дээр ноцтой осол гарч, 50 гаруй сургуулийн сурагчид амь насаа алджээ.