Өнөөдрийн тухай таны мэдэх ёстой 15 зүйл: Ерөнхий сайд У.Хүрэлсүх 3 ээлжээр хичээллэдэг 65-р сургууль дээр очиж ажиллана

11 дүгээр сарын 16-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 320 дахь өдөр бөгөөд он дуусахад 45 хоног үлдлээ.
2. Цаг агаар өдөртөө -15 хэмийн хүйтэн бол шөнөдөө -18 градус хүйтэн байх нь ээ. Мөн өдөртөө бага зэргийн цас орох гэнэ.
3. Билгийн тооллын 28, зургаан цагаан мэнгэтэй улаагчин хонь өдөр. Өнөөдөр үсээ авахуулах буюу засуулбал хэрүүл тэмцэл ирэх гэнэ. Энэ өдөр гахай, туулай жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2450.00 төгрөгтэй тэнцэж байгаа бол бусад валют болох рубль 41.50, юань 369.80, вон 2.20 төгрөг байна.

Өнөөдөр болох онцлох үйл явдлууд: 

1. 18.00 цагт Ерөнхий сайд У.Хүрэлсүх холбогдох салбарын удирдлагуудтай Сонгинохайрхан дүүргийн 65-р сургууль дээр очиж ажиллана. 65-р сургууль нь 3 ээлжээр хичээллэдэг бөгөөд уг асуудал болон бусад тулгамдсан асуудлуудыг газар дээр нь шийдвэрлэн, үүрэг даалгавар өгнө.
2. 09.00 цагаас МХЕГ-ын хурлын танхимд "Импортын хүүхдийн тоглоомын аюулгүй байдлыг хангах нь" сэдэвт сургалт хэлэлцүүлэг болно. 
3. Уул уурхай, хүнд үйлдвэрийн сайд Д.Сумъяабазар Налайх дүүргийн түгээмэл тархацтай ашигт малтмал олборлох болон боловсруулах үйлдвэрүүдийн үйл ажиллагаатай танилцана. Мөн Налайхын орд газарт нүүрс олборлогч иргэдтэй уулзаж, ашиглалтын тусгай зөвшөөрөл эзэмшигч аж ахуйн нэгжүүдийн үйл ажиллагаа, үүссэн нөхцөл байдлыг газар дээр нь очиж үзэх юм.
4. 11.00 цагт манай Цэргийн дуу бүжгийн Эрдмийн чуулга дээр ЮНЕСКО-д бүртгэгдсэн Монголын соёлын биет бус өвүүдийн нэрэмжит булан нээх ёслолын ажиллагаа болно.
5. Blue Sky hotel 3-р давхарт Daimond Hall танхимд 09.30 цагт Монгол Улсад хүлэмжийн хийг бууруулах Ногоон барилгыг хөгжүүлэх талаар хэлэлцүүлэгтэй. УИХ-ын гишүүн, БХБ-ын сайд Х.Баделхан нээж оролцоно. 
6. Үндэсний аудитын газраас 08.30 цагаас Нийгмийн хамгаалал, хөдөлмөрийн яам, 11 цагаас Эрүүл мэндийн яам, 15.00 цагаас Зам, тээврийн хөгжлийн яаманд ажиллана. 2016 оны санхүүгийн тайланд хийсэн аудитаар илэрсэн зөрчил, дутагдал, тэдгээрийг арилгуулахаар өгсөн зөвлөмжийн хэрэгжилтийг танилцуулна. 

Энэ өдөр дэлхийн түүхэнд: 

1. 1988 оны энэ өдөр Америк гаралтай Солонгос дуучин Эрик Нам мэндэлжээ.
2. Өнөөдөр Германы Пивоны өдөр тохиож байгаа юм байна.
3. Өнөөдөр Оюутан, сурагчдын олон улсын өдөр тохиож байгаа юм байна.
4. 1986 оны энэ өдөр Португалийн алдарт хөлбөмбөгийн тамирчин Нани мэндэлжээ.
5. 2000 онд Алберто Фүжимори Перу улсын ерөнхийлөгчийн албан тушаалаас огцорч байжээ.