Өнөөдрийн тухай таны мэдэх ёстой 16 зүйл: Орон сууцны үнийн индексийг танилцуулна

11 дүгээр сарын 13-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 317 дахь өдөр бөгөөд он дуусахад 48 хоног үлдлээ.
2. Цаг агаар өдөртөө -14 хэмийн хүйтэн бол шөнөдөө -17 градус хүйтэн байх нь ээ. Мөн шөнөдөө бага зэргийн цас орох гэнэ.
3. Билгийн тооллын 25, есөн улаан мэнгэтэй хөх луу өдөр. Өнөөдөр үсээ авахуулах буюу засуулбал нүд бүрэлзэн улцайх гэнэ. Энэ өдөр хулгана, бич жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2455.00 төгрөгтэй тэнцэж байгаа бол бусад валют болох рубль 42.00, юань 370.10, вон 2.20 төгрөг байна.

Өнөөдөр болох онцлох үйл явдлууд: 

1. Санхүүгийн зохицуулах хорооноос Үнэт цаасны, Даатгалын, Банк бус санхүүгийн болон Хадгаламж, зээлийн хоршооны зах зээлийн 2017 оны III улирлын санхүүгийн тайланг танилцуулах хэвлэлийн бага хурал 11.00 цагт Засгийн газрын IV байр, 211 тоот танхимд нээлттэй болно.
2. Филиппин улсын Давао хотод болсон олон улсын математикийн олимпиадад амжилт гарган, медаль хүртсэн сурагчид 15.30 цагаас Сөүлийн нислэгээр эх орондоо ирнэ.
3. 09.00 цагт Blue Sky зочид буудал, Кристал танхимд “Нэг эрүүл мэнд: Зоонозын халдвар, хүнсний аюулгүй байдлын хяналт-тулгамдсан асуудал” үндэсний хэлэлцүүлэг болно. 
4. 09.00 цагт Шадар сайдын өрөөнд "Газар хөдлөлтийн гамшгаас урьдчилан сэргийлэх байнгын ажиллагаатай зөвлөл"-ийн хуралтай.
5. МҮЭ-ийн холбооноос 12.00 цагаас МҮЭ-ийн холбооны XXII Их хурлын талаар болон Эрүүл мэндийн даатгалын тогтолцооны бие даасан байдлыг хангах талаар мэдээлэл хийнэ.
6. Монголбанкны 2 давхрын хурлын танхимд 12.00 цагт "Тэнхлэг зууч" ХХК энэ оны 10-р сарын Орон сууцны үнийн индексийг танилцуулах хэвлэлийн бага хурал болно.
7. Нийслэлийн Хөдөлмөр Эрхлэлтийн газрын санхүүжилтээр өөрийн бизнес санаагаа бодит болгох хүсэл, эрмэлзэлтэй залуучуудад зориулан "Startup Weekend Ulaanbaatar | Metropolis Edition" арга хэмжээ зохион байгуулагдана.

Энэ өдөр дэлхийн түүхэнд: 

1. Өнөөдөр Дэлхийн Сайхан сэтгэлийн өдөр тохиож байна.

2. 1982 оны энэ өдөр Америкийн жүжигчин, дуучин, продюсер Michael Copon мэндэлжээ.

3. Мөн 1929 оны энэ өдөр сүмогийн 46 дахь ёкозүна Асашио Таро мэндэлж байжээ.

4. 2012 онд Австрали болон Номхон далайн өмнөд хэсгээр нар бүтэн хиртэх үзэгдэл тохиож байжээ.

5. 2011 онд Италийн улс төрч Марио Монти Италийн 54 дэх Ерөнхий сайд болох саналыг хүлээн авчээ.