11 дүгээр сарын 08-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 312 дахь өдөр бөгөөд он дуусахад 53 хоног үлдлээ.
- Цаг агаар өдөртөө 0 хэмийн хүйтэн бол шөнөдөө -12 градус хүйтэн байх нь ээ.
- Билгийн тооллын 20, таван шар мэнгэтэй шарагчин гахай өдөр. Өнөөдөр үсээ авахуулах буюу засуулбал өлсөж ундаасах гэнэ. Энэ өдөр хонь, туулай жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2458.00 төгрөгтэй тэнцэж байгаа бол бусад валют болох рубль 42.40, юань 371.70, вон 2.20 төгрөг байна.
Өнөөдөр болох онцлох үйл явдлууд:
- MN мэдээллийн төвд 11.30 цагаас 2017 онд Канад улс тунхагласны 150 жилийн ой тохиож байгаатай холбогдуулан Канадын Элчин сайдын яамны урилгаар Монголд айлчлан ирж буй Канадын уугуул иргэн уран бүтээлч Крис Дерксены “Cris Derksеn Trio” хамтлагийн тоглолтыг Хас Банк санхүүжүүлэн Канадын Урлагийн зөвлөл дэмжиж, Монголын Урлагийн Зөвлөл тоглолтыг зохион байгуулах гэнэ.
- MN мэдээллийн төвд 12.00 цагаас "Одод болох хүслэн" реп чальенжийн хаалтын тоглолт энэ сарын 11-нд "Улаанбаатар палас"-т болох гэж байгаатай холбогдуулан тус тоглолтыг зохион байгуулж буй "Хар тас" хамтлагаас хэвлэлийн бага хурал зарлалаа.
- 11.00 цагт Төр засгийн үйлчилгээний "Элит" төвд Уул уурхай, хүнд үйлдвэрийн сайд Д.Сумъяабазар салбарын ахмадууд болон эрдэмтэн судлаачид, ТББ-ын төлөөлөлтэй уулзана.
- МУГЖ Г.Ариунбаатарын "Монгол Сонгодог III" бие даасан тоглолтын албан ёсны хэвлэлийн бага хурал 12.00 цагт Монгол Контент ХХК-ийн байранд болно.
- Хүүхдэд ээлтэй хот санаачлагыг үйлчилгээний байгууллагуудад өрнүүлэх, хүүхэд гэр бүлд чиглэсэн үйлчилгээний нэр төрлийг нэмэгдүүлэх, тэдэнд ээлтэй, гэр бүлийг дэмжсэн үйлчилгээг нэвтрүүлэх зорилгоор НҮБ-ын Хүүхдийн Сантай хамтран “Хүүхдийн эрх ба Бизнесийн зарчим” сургалтыг худалдаа үйлчилгээний байгууллагуудад 09.00 цагт Чингис зочид буудлын 3 давхарт зохион байгуулна.
Энэ өдөр дэлхийн түүхэнд:
- Өнөөдөр Радиологийн Олон улсын өдөр тохиож байна.
- Мөн өнөөдөр Интерсекс хүмүүсийн эрхийг хамгаалах өдөр тохиож байгаа юм байна.
- 1970 оны энэ өдөр Канадын жүжигчин Майкл Жэксон мэндэлжээ.
- 1986 оны энэ өдөр Зөвлөлт Холбоот Улсын улс төрч, хувьсгалч Вячеслав Молотов таалал төгсчээ.
- 2013 онд Филиппинд маш хүчтэй хар салхи дэгдэж, 6340 хүн амь насаа алдаж, 1000 орчим хүн сураггүй алга болж, 2.86 тэрбум ам.долларын хор уршиг учруулж байжээ.
