Өнөөдрийн тухай таны мэдэх ёстой 15 зүйл: Хятадын иргэн монгол иргэний амь насыг хөнөөлгөхөөр бусдад захиалга өгсөн талаар мэдээлнэ

11 дүгээр сарын 07-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 311 дахь өдөр бөгөөд он дуусахад 54 хоног үлдлээ.
2. Цаг агаар өдөртөө -2 хэмийн хүйтэн бол шөнөдөө -10 градус хүйтэн байх нь ээ. Мөн шөнөдөө бага зэргийн цас орох гэнэ.
3. Билгийн тооллын 19, зургаан цагаан мэнгэтэй шар нохой өдөр. Өнөөдөр үсээ авахуулах буюу засуулбал сайн нөхөртэй нөхөрлөх гэнэ. Энэ өдөр бар, морь жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2458.00 төгрөгтэй тэнцэж байгаа бол бусад валют болох рубль 42.00, юань 372.80, вон 2.19 төгрөг байна.

Өнөөдөр болох онцлох үйл явдлууд: 

1. 09.50 цагаас Тэнгис кино театрын Их танхимд Монгол Улсын Засгийн газраас гаргасан "Төрийн албан хаагчдын сахилга хариуцлагыг сайжруулах 01 тоот албан даалгавар"-ыг мэргэжлийн хяналтын улсын байцаагчидад танилцуулж, ёс зүйн мэдэгдэлд гарын үсэг зурах үйл ажиллагаа болно.
2. MN мэдээллийн төвд 12.00 цагаас Хятад улсын иргэн монгол эхнэрийнхээ хамт монгол иргэний амь насыг хөнөөлгөхөөр бусдад захиалга өгсөн талаар иргэн Б.Ганхуяг хэвлэлийн бага хурал зарлалаа.
3. Монгол Улсын ХЗДХ-ийн сайдын урилгаар БНХАУ-ын Хууль зүйн яамны сайд Жан Жюнь тэргүүтэй төлөөлөгчид Монгол улсад албан ёсны айлчлал хийж байна.
4. Зууны мэдээ сонины Үндэсний мэдээллийн төвд 11.00 цагаас Фэйсбүүк, твиттерийг хааж хариуцлагатай, хяналттай үндэсний сүлжээтэй болох тухай Цахим халдлагаас ард иргэдийг хамгаалах Монголын нийгэмлэгээс хэвлэлийн хурал зарлаж байна.
5. Монголын Үндэсний Худалдаа Аж Үйлдвэрийн Танхим (МҮХАҮТ) ОХУ-ын Алтайн хязгаар мужийн Худалдаа аж үйлдвэрийн танхимтай хамтран Монгол-Оросын бизнес уулзалтыг 10.00 цагт МҮХАҮТ-ын 507 тоотод зохион байгуулна.

Энэ өдөр дэлхийн түүхэнд: 

1. Өнөөдөр Унгар улсад Дуурийн өдөр тохиож байна.
2. 1936 оны энэ өдөр Москва хотын захирагч асан Юрий Лужков мэндэлжээ.
3. 1997 оны энэ өдөр Seventeen хамтлагын гишүүн The8 (Xu Ming Hao) мэндэлжээ.
4. 2012 онд Гватемалын Бүгд Найрамдах Улсад маш хүчтэй газар хөдлөлт болж 52 гаруй хүн нас баржээ.
5. 1996 онд НАСА Америкийн роботон сансрын хөдөл болох "Mars Global Surveyor"-г хөөргөжээ.
6. 1990 онд Мэри Робинзон Бүгд Найрамдах Ирланд улсын анхны эмэгтэй ерөнхийлөгчөөр сонгогджээ.