Өнөөдрийн тухай таны мэдэх ёстой 14 зүйл: Охидын хүчирхийллийн эсрэг бидэнд нэг санал байна сэдвээр мэдээлэл хийнэ

11 дүгээр сарын 06-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 310 дахь өдөр бөгөөд он дуусахад 55 хоног үлдлээ.
2. Цаг агаар өдөртөө 1 хэмийн дулаан бол шөнөдөө -1 градус хүйтэн байх нь ээ. 
3. Билгийн тооллын 17, долоон улаан мэнгэтэй улаагчин тахиа өдөр. Өнөөдөр үсээ авахуулах буюу засуулбал өнгө зүс доройтох гэнэ. Энэ өдөр үхэр, могой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2458.00 төгрөгтэй тэнцэж байгаа бол бусад валют болох рубль 42.60, юань 372.20, вон 2.20 төгрөг байна.

Өнөөдөр болох онцлох үйл явдлууд: 

1. Зууны мэдээ сонины Үндэсний мэдээллийн төвд 11.30 цагаас Охидын бэлгийн хүчирхийллийн эсрэг бидэнд нэг санал байна сэдвээр мэдээлэл хийнэ.
2. Буянт-Ухаа спорт ордонд Нийслэлийн иргэдийн спортын VI их наадмын шигшээ тоглолт болон хаалтын ажиллагаа болно.
3. Архивын ерөнхий газраас 10.00-16.00 цагийн хооронд нээлттэй хаалганы өдөрлөг зохион байгуулах гэж байна. Тус өдөрлөг Үндэсний төв архив, салбар, төрөлжсөн, аймаг, нийслэлийн зэрэг төрийн бүх архивууд дээр орон даяар явагдана.
4. 13.00 цагт Үндэсний мэдээллийн МОНЦАМЭ агентлагийн Мэдээллийн төвд “Утааны эсрэг аав ээжүүд “ ТББ-аас мэдээлэл хийнэ. Тус байгууллага энэ сарын 10-нд хотын захиргааны гадаа, 17-нд Агаарын бохирдлыг бууруулах газар, 24-нд Хүний эрхийн үндэсний комиссын гадна талбайд жагсаал зохион байгуулахаар төлөвлөж байгаа аж.

Энэ өдөр дэлхийн түүхэнд: 

1. Дайн ба зэвсэгт мөргөлдөөнд байгаль орчныг ашиглахаас урьдчилан сэргийлэх олон улсын өдөр тохиож байна.
2. Мөн Тажикистан болон Бүгд Найрамдах Доминикан улсад Үндсэн хуулийн өдөр тохиож байгаа аж.
3. 1990 оны энэ өдөр Канад гаралтай Хятадын соло уран бүтээлч Kris Wu мэндэлжээ.
4. 1968 оны энэ өдөр YAHOO-г хамтран үүсгэн байгуулсан Тайван гаралтай Америкийн инженер, бизнесмэн Jerry Yang мэндэлжээ.
5. 1984 онд АНУ-ын 40 дэх Ерөнхийлөгч Ronald Reagan тус улсын Ерөнхийлөгчөөр дахин сонгогджээ.
6. Харин 2012 онд АНУ-ын 44 дэх Ерөнхийлөгч Барак Обама дахин сонгогдож, Tammy Baldwin Америкийн анхны ижил хүйстэн улс төрч болж, АНУ-ын Сенатад сонгогджээ.