11 дүгээр сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 307 дахь өдөр бөгөөд он дуусахад 58 хоног үлдлээ.
- Цаг агаар өдөртөө 4 хэмийн дулаан бол шөнөдөө -9 градус хүйтэн байх нь ээ.
- Билгийн тооллын 14, нэг цагаан мэнгэтэй хөх морь өдөр. Өнөөдөр үсээ авахуулах буюу засуулбал эд мал арвижих гэнэ. Энэ өдөр нохой жилтнээ аливаа үйлийг хийхэд эерэг сайн, бар, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2458.00 төгрөгтэй тэнцэж байгаа бол бусад валют болох рубль 42.70, юань 373.30, вон 2.20 төгрөг байна.
Өнөөдөр болох онцлох үйл явдлууд:
- 13.00 цагт АШУҮИС-н шинэ эмнэлэг, сургуулийн бүтээн байгуулалтын үйл явцтай танилцана.
- “Өдрийн сонин”-ы Асуух эрхийн танхимд 11.30 цагт дэлхийн чихрийн шижин өвчинтэй тэмцэх өдрийг тохиолдуулан Эмэгтэйчүүд ба чихрийн шижин уриан дор Монголын диабетийн холбооны гишүүд, Анагаахын шинжлэх ухааны үндэсний их сургуулын дотоод шүүрлийн тэнхимийн багш нар хэвлэлийн хуралд оролцож мэдээлэл хийнэ.
- Рентген туяаг нээсэн өдрийг угтан "Зүрх том судасны зарим эмгэгийн дүрс оношилгоо" сэдэвт хурал Улсын 3-р Төв эмнэлгийн хурлын зааланд болно.
- Нийслэлийн 378 жилийн ойг тохиолдуулан "Улаанбаатар" үсгэн хэлбэрт биет бэлгэ тэмдгийг бүтээн Улсын драмын эрдмийн театрын дэргэдэх талбайд байршуулсан бөгөөд 09.30 цагт уг бэлгэ тэмдгийн нээлтийн арга хэмжээг Нийслэлийн Аялал жуулчлалын газраас зохион байгуулах гэж байна. Уг бэлгэ тэмдэг нь нийслэлийн үсгэн хэлбэртэй анхны бэлгэ тэмдэг болсноороо онцлог юм.
- Сүхбаатар дүүргийн боловсрол, сургалтын байгууллагуудын удирдах ажилтнуудын дунд “Хүүхдийн хөгжил-Ээлтэй сургалтын орчин-Сүхбаатар дүүрэг” сэдэвт зөвлөгөөн 09.00-15.00 цагийн хороонд нийслэлийн Иргэний танхимд болно.
- 09.00 цагт ШУА-ийн байр /Соёлын төв өргөө/, 303 тоот танхимд Шинжлэх ухааны Академи, Хүнсний эрдэм шинжилгээ, үйлдвэрлэлийн "Само" Институт хамтран “Архидалт ба нийгмийн эрүүл мэндийн тулгамдсан асуудлууд, дарсны зөв хэрэглээг төлөвшүүлье” Эрдэм шинжилгээний хурал зохион байгуулна.
Энэ өдөр дэлхийн түүхэнд:
- Өнөөдөр Малдивт Ялалтын баярын өдөр тохиож байна.
- Мөн өнөөдөр Япон улсад Соёлын өдөр тохиож байгаа юм байна.
- 1995 оны энэ өдөр АМерикийн алдарт загвар өмсөгч Kendall Jenner мэндэлжээ.
- Оросын театр, кино урлагийн алдарт жүжигчин Александр Викторович Дедюшко таалал төгсчээ.
- 2014 онд дэлхийн 6 дахь хамгийн өнөдөр барилга, дэлхийн баруун бөмбөрцгийн хамгийн өндөр барилга болох Нью-Йорк хотын худалдааны төв цамхаг "One World Trade Center" албан ёсоор нээлтээ хийжээ.
