10 дугаар сарын 05-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 278 дахь өдөр бөгөөд он дуусахад 87 хоног үлдлээ.
- Цаг агаар өдөртөө 16 хэмийн дулаан бол шөнөдөө 4 градус дулаан байх нь ээ.
- Билгийн тооллын 15, гурван хөх мэнгэтэй хөхөгчин үхэр өдөр. Өнөөдөр үсээ авахуулах буюу засуулбал өлзийтэй сайн гэнэ. Энэ өдөр тахиа, могой жилтнээ аливаа үйлийг хийхэд эерэг сайн, үхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 42.90, юань 371.50, вон 2.14 төгрөг байна.
Өнөөдөр болох онцлох үйл явдлууд:
- Хэвлэлийн хүрээлэнд 11.00 цагаас 40 жилийн түүхтэй, ашигтай ажиллаж байсан "Оргил рашаан сувилал" ТӨХК-ийг татан буулгаж байгаатай холбоотойгоор тус байгууллагын ажилчид мэдээлэл өгч, дуу хоолойгоо ард түмэнд хүргэх зорилгоор хэвлэлийн бага хурал зарлалаа.
- МУИС-ийн шинэ номын сан албан ёсоор нээлтээ хийнэ.
- Нийслэлийн хэвлэл мэдээллийн төвд 10.30 цагаас Нийслэлийн Нийтийн Биеийн тамир, спортын хорооноос "UB sport 2017" биеийн тамир, спортын өдөрлөгийн талаар хэвлэлийн бага хурал хийнэ.
- Нийслэлийн хэвлэл мэдээллийн төвд 11.00 цагаас Нийслэлийн Тээврийн газраас хүйтний улирал эхэлж байгаатай холбогдуулан автобусанд буудал зарлах тоног төхөөрөмж суурилуулах тухай болон нийтийн тээврийн үйлчилгээ эрхлэгч аж ахуйн нэгж байгууллагуудын дунд болзолт уралдаан зарласан талаар, "Нийтийн тээвэр миний сонголт" аяны талаар хэвлэлийн бага хурал хийнэ.
- МУИС-ийн 75 жилийн ойн үндсэн үйл ажиллагааны нэг болох “МУИС-Хөрөнгө оруулалтын форум” Шангри-Ла зочид буудалд 09.00-13.30 цагт болно.
- 10.00 цагт Баянгол дүүргийн эрүүл мэндийн төвд "Мэс заслын тасаг"-ийн нээлт болно.
Энэ өдөр дэлхийн түүхэнд:
- Дэлхийн багш нарын баярын өдөр өнөөдөр тохиож байна.
- 1980 оны энэ өдөр Улсын начин Лувсанрагчаагийн Нямсүрэн мэндэлжээ.
- Мөн 1987 оны энэ өдөр T-Ara хамтлагын гишүүн Soyeon мэндэлжээ.
- Мөн өнөөдөр Болив улсад Инженерүүдийн баярын өдөр тохиож буй аж.
- 1962 онд "The Beatles" хамтлагийн анхны сингл цомог болох "Love Me Do" Их Британид худалдаанд гарч эхэлжээ.
