10 дугаар сарын 03-ны өдөр
Өглөөд заавал мэдэж байх ёстой зүйлүүд:
- Өнөөдөр бол жилийн 276 дахь өдөр бөгөөд он дуусахад 89 хоног үлдлээ.
- Цаг агаар өдөртөө 11 хэмийн дулаан бол шөнөдөө -5 градус хүйтэн байх нь ээ.
- Билгийн тооллын 13, таван шар мэнгэтэй харагчин гахай өдөр. Өнөөдөр үсээ авахуулах буюу засуулбал жаргал ирэх гэнэ. Энэ өдөр хонь, туулай жилтнээ аливаа үйлийг хийхэд эерэг сайн, бич, тахиа жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
- Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 43.10, юань 371.00, вон 2.14 төгрөг байна.
Өнөөдөр болох онцлох үйл явдлууд:
- ДАШТ-ээс анхны медалиа авчирсан ОБЕГ-ын баг тамирчид 10.00 цагт Чингис хаан олон улсын нисэх онгоцны буудалд газардана.
- Хэвлэлийн хүрээлэнд 11.00 цагаас Дэлхий дахины насжилт, Монгол Улс дахь насжилтын байдал, ахмадын эрүүл мэндийг дэмжих сарын аяны таүлаар мэдээлнэ.
- "Сэтгүүл Зүйн Ёс Зүйн Форум JEF 2017" 09.00 цагаас Туушин зочид буудалд нээлтээ хийнэ.
- Монголбанк 2017 оны аравдугаар сарын 02-ноос он дуустал нийтийн санхүүгийн боловсролыг дэмжих "Санхүүгийн боловсрол" аяныг улс орон даяар хэрэгжүүлэхээр боллоо. Аяны нээлтийн арга хэмжээ 11.00 цагт Монголбанкны 5 давхрын хурлын танхимд болно.
- MN-Мэдээллийн төвд 11.00 цагаас Үндэсний "СоСо" брэндийн бэлэн хоол үйлдвэрлэгчид Засгийн газарт хандан уриалга гаргаж мэдээлэл хийнэ.
Энэ өдөр дэлхийн түүхэнд:
- Өнөөдөр Германы эв нэгдлийн өдөр тохиож байна.
- 1959 оны энэ өдөр сүмогийн 27 дахь ёкозүна Точигияма Мория мэндэлжээ.
- 1984 оны энэ өдөр БНСУ-ын алдарт жүжигчин, дуучин Yoon Eun-hye мэндэлжээ.
- 1952 онд Их Британи улс анх удаа цөмийн зэвсгийн туршилтыг амжилттай явуулжээ. Ингэснээрээ цөмийн эрчим хүчээрээ дэлхийд тэргүүлэх гурван орны нэг болж чадсан байна.
- 2013 онд Итали руу дүрвэгсдийн сууж байсан усан онгоц Италийн "Lampedusa" арлын ойролцоо осолдож, 134 дүрсэгсэд амь насаа алджээ.
