Өнөөдрийн тухай таны мэдэх ёстой 15 зүйл: Нойтон өлсгөлөн зарлаад буй худалдаа эрхлэгчид хуурай өлсгөлөнд шилжинэ гэдгээ мэдээлнэ

10 дугаар сарын 02-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 275 дахь өдөр бөгөөд он дуусахад 90 хоног үлдлээ.
2. Цаг агаар өдөртөө 6 хэмийн дулаан бол шөнөдөө -5 градус хүйтэн байх нь ээ. Шөнөдөө ялимгүй хур тунадас орох гэнэ.
3. Билгийн тооллын 12, зургаан цагаан мэнгэтэй хар нохой өдөр. Өнөөдөр үсээ авахуулах буюу засуулбал өвчин эмгэг ирэх гэнэ. Энэ өдөр бар, морь жилтнээ аливаа үйлийг хийхэд эерэг сайн, туулай жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2465.00 төгрөгтэй тэнцэж байгаа бол бусад валют болох рубль 42.95, юань 371.30, вон 2.14 төгрөг байна.

Өнөөдөр болох онцлох үйл явдлууд: 

1. Монгол Улсын Их Сургуулийн 75 жилийн ойн баярын хэвлэлийн бага хурал 11.00 цагаас Номын сангийн байрны 2 давхарт болно.
2.  "Монгол, Оросын хамтын ажиллагаа-2017" чуулга уулзалт аравдугаар сарын 2-4-ний өдрүүдэд УБ хотноо болно.
3. 13.00-15.00 цагийн хооронд Зүүн 4 замаас Сүхбаатрын талбай хүртэл Улаанбаатар хотын Орон сууц нийтийн аж ахуйн удирдах газар 70 жилийн ойн баярын жагсаал хийнэ.
4. Нойтон өлсгөлөн зарлаад буй жижиглэнгийн худалдаа эрхлэгчид 09.00 цагаас Төрийн ордны баруун хаалган дээр цугларч, хуурай өлсгөлөнд шилжинэ гэдгээ мэдээлэх гэнэ.
5. 11.00 цагаас Боловсрол шинжлэх ухааны ҮЭ-ийн холбооноос багш нарын цалинг нэмэх асуудлаар хийгдэж буй ажлын талаар хэвлэлийн хурал зарлаж байна. МҮЭ-ийн холбооны хурлын танхимд болно.

Энэ өдөр дэлхийн түүхэнд: 

1. Өнөөдөр Итали улсад Өвөө нарын баярын өдөр тохиож байна.
2. Мөн өнөөдөр Гвиней улсад Тусгаар тогтнолын өдөр тохиож байгаа аж.
3. 1970 оны энэ өдөр Америкийн алдарт жүжигчин, ток шоуны хөтлөгч, телевизийн продюсер Kelly Ripa мэндэлжээ.
4. Мөн 1869 оны энэ өдөр Махатма Ганди хэмээн алдаршсан  Энэтхэгийн тусгаар тогтнолын төлөө тэмцэгч, улс төрч Мохандас Карамчанд Ганди мэндэлж байжээ. Түүний нөлөөгөөр Энэтхэг Британийн эзэнт гүрнээс 1947 онд салан тусгаарлаж, тусгаар тогтносон.
5. 1970 онд АНУ-ын Вичита их сургуулийн хөлбөмбөгийн багынхны сууж явсан хөлөг онгоц Колорадо мужид осолдож, тус онгоцонд сууж явсан 31 хүн нас барж байжээ.
6. 1996 онд Америкийн 42 дахь Ерөнхийлөгч Билл Клинтон "Мэдээллийн эрх чөлөөний тухай хуулийн нэмэлт өөрчлөлт"-д гарын үсэг зуржээ.