Өнөөдрийн тухай таны мэдэх ёстой 15 зүйл: Их хэмжээний приус машины захиалга авч, залилан үйлдсэн иргэний анхан шатны шүүх хурал болно

9 дүгээр сарын 28-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 271 дахь өдөр бөгөөд он дуусахад 94 хоног үлдлээ.
2. Цаг агаар өдөртөө 6 хэмийн дулаан бол шөнөдөө -6 градус хүйтэн байх нь ээ. 
3. Билгийн тооллын 8, нэг цагаан мэнгэтэй шар морь өдөр. Өнөөдөр үсээ авахуулах буюу засуулбал нас уртсах гэнэ. Энэ өдөр бар жилтнээ аливаа үйлийг хийхэд эерэг сайн, мүхэр, луу, хонь, нохой жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2464.00 төгрөгтэй тэнцэж байгаа бол бусад валют болох рубль 43.10, юань 372.50, вон 2.16 төгрөг байна.

Өнөөдөр болох онцлох үйл явдлууд: 

1. БЗД-ийн шүүх дээр 11.00 цагаас өнгөрсөн онд Приус машины захиалга авч иргэдийг хохироосон иргэн И-ийн анхан шатны шүүх хурал болно.
2. 12.30 цагт Чингисийн талбайд “Нийслэлийн агаарын бохирдлыг бууруулах газараас” Өвлийн улирлын бэлтгэл ажлыг хангах зорилгоор томоохон арга хэмжээ болно.
3. “Мэдээлэл олж авах түгээмэл эрхийн олон улсын өдөр”-ийг тохиолдуулан ЮНЕСКО-ийн Монголын үндэсний комиссоос Глоб Интернэшнл төвтэй хамтран “IPDCtalks: Mongolia” чуулганыг анх удаа эх орондоо зохион байгуулна. Нээлт НҮБ-ын байранд 09.00 цагаас болно.
4. 18.00 цагт "Улаан гэр" галлерейд зураач Бу.Бадралын "Дэвж үзээгүй далавч" нэртэй шинэхэн үзэсгэлэн болон түүний уран бүтээлийн тухай өрнүүлэх "Урлагтай яриа" уулзалт, яриа болно.
5. MN-Мэдээллийн төвд 11.00 цагаас Шастины нэрэмжит УГТЭ-ээс дэлхийн зүрхний өдөрт зориулж Эрүүл мэндийн өдөрлөг зохион байгуулах талаар мэдээлэл хийнэ.

Энэ өдөр дэлхийн түүхэнд: 

1. “Галзуу өвчинтэй тэмцэх дэлхийн өдөр” тохиож байна.
2. Өнөөдөр Дэлхийн зүрхний өдөр тохиож байна.
3. Мөн өнөөдөр Кофены олон улсын өдөр тохиож байгаа юм байна.
4. 2009 онд Номхон далайн өмнөд хэсэгт 8.1 баллын хүчтэй газар хөдөлж, үүний араас асар хөнөөлтэй цунами үүсч 190 гаруй хүний амийг авч оджээ. Энэхүү газар хөдлөлт нь 2009 онд болж байсан газар хөдлөлтүүдээс хамгийн хүчтэй нь байсан аж.
5. 2013 онд Нигерь улсын Gujba хотын нэгэн коллежийн гадаа "Boko Haram" хэмээн нэрлэгдсэн террорист бүлгэм сурагчид руу гал нээж, 42 хүн алуулжээ.
6. 1971 онд хэмжээлшгүй эрхт султант улс болох Оман нь Арабын лигт албан ёсоор оржээ.