Өнөөдрийн тухай таны мэдэх ёстой 16 зүйл: Телевизийн салбар үүссэний түүхт 50 жилийн ой тохиож байна

9 дүгээр сарын 27-ны өдөр

Өглөөд заавал мэдэж байх ёстой зүйлүүд:

1. Өнөөдөр бол жилийн 270 дахь өдөр бөгөөд он дуусахад 95 хоног үлдлээ.
2. Цаг агаар өдөртөө 4 хэмийн дулаан бол шөнөдөө -6 градус хүйтэн байх нь ээ. Харин өдөртөө бага зэргийн хур тунадас орох гэнэ.
3. Билгийн тооллын 7, хоёр хар мэнгэтэй улаагчин могой өдөр. Өнөөдөр үсээ авахуулах буюу засуулбал хэл ам, хэрүүл тэмцэл ирэх гэнэ. Энэ өдөр үхэр, тахиа жилтнээ аливаа үйлийг хийхэд эерэг сайн, могой, морь жилтнээ сөрөг муу нөлөөтэй тул аливаа үйлийг хийхдээ анхаарал болгоомжтой байхыг од эрхэс сануулж байна.
4. Манай улсын голлох валют болох ам.долларын ханш 2471.00 төгрөгтэй тэнцэж байгаа бол бусад валют болох рубль 43.30, юань 375.00, вон 2.16 төгрөг байна.

Өнөөдөр болох онцлох үйл явдлууд: 

1. ГХЯ-ны зөвшилцөл танхимд 08.40 минутаас Монгол Улсын Засгийн газар, ДЭМБ-ын Хамтын ажиллагааны стратеги (2017-2021) танилцуулах ёслолын арга хэмжээ болно.
2. 10.00 цагаас ГХЯ-ны зөвшилцөл танхимд Хэвлэлийн бага хурал болно. Тус хуралд Эрүүл мэндийн сайд А.Цогцэцэг, ДЭМБ-ын Номхон далайн баруун бүсийн төвийн захирал Шин Ён-Сү оролцож Ноён Шин Ён-Сү-гийн айлчлалын зорилго, болон ЭМЯ, ДЭМБ-ын цаашдын хамтын ажиллагааны талаар хэвлэл мэдээллийн байгууллагуудад мэдээлэл өгнө.
3. Сүхбаатар дүүргийн иргэний хэргийн шүүхэд 09.00 цагт нэр бүхий хэвлэл мэдээллийн 7 байгууллагыг хариуцагчаар татаж 200 сая төгрөг нэхэмжилсэн хэргийг шүүх хурал болно.
4. Монгол Улсад телевизийн урлаг үүсэж хөгжсөний 50 жилийн ой тохиож байна.
5. Монгол Улсад телевизийн урлаг үүссэний 50 жилийн ойн баярын арга хэмжээ МҮХАҮТ-ын дэргэдэх Корпорэйт зочид буудалд 09.00 цагаас эхэлнэ.
6. MN-Мэдээллийн төвд 12.00 цагаас Уул уурхайн мэргэжлийн холбоодоос тус салбарын сайд, удирдлагууд, төрийн өмчийн томоохон компаниудын ТУЗ-д мэргэжлийн хүн томилдог байх асуудлаар Ерөнхийлөгч, УИХ-ын дарга, УИХ дахь “Хариуцлагатай уул уурхайг дэмжих лобби бүлэг”-т хандан уриалга гаргаж мэдээлэл хийнэ.
7. 11.00 цагт Төрийн ордны Их танхимд Монголын ахмад багш нарын хүндэтгэлийн уулзалт болно.
8. 15.00 цагт ЗТХЯ-ны 301 тоот өрөөнд "Дотоодын ачаа тээвэр - Интернет худалдаа - Шийдэл" сэдэвт хэлэлцүүлэг зохион байгуулагдана.

Энэ өдөр дэлхийн түүхэнд: 

1. 1980 оны энэ өдөр сүмогийн 68 дахь Монголын анхны ёкозүна Долгорсүрэнгийн Дагвадорж (Асашорюү Акинори) мэндэлжээ.
2. Өнөөдөр Дэлхийн аялал жуулчлалын өдөр тохиож байна. 
3. 1982 оны энэ өдөр Америкийн реппер, дуучин, продюсер Lil Wayne мэндэлжээ.
4. 2003 онд Европын сансрын хиймэл дагуул болох "SMART-1"-ыг хөөргөжээ.