Өчигдөрөөс илүү маргаашийг
бүтээхийн төлөө

Намууд зардлын тайлангаа маргаашийн дотор гаргах нь

Ерөнхийлөгчийн сонгуульд оролцсон нам, эвсэл зардлын тайландаа хувийн аудитын этгээдээр дүгнэлт гаргуулан, Үндэсний аудитын газарт маргаашийн дотор хүргүүлнэ. Тодруулбал, Ерөнхийлөгчийн сонгуулийн тухай хуулийн 52.3-т “Нам, эвсэл нь санал авах өдрөөс хойш 45 хоногт багтаан зардлын тайландаа хувийн аудитын хуулийн этгээдээр дүгнэлт гаргуулан, төрийн аудитын дээд байгууллагад хүргүүлнэ” гэж заасан байдаг. Мөн сонгуулийн зардлын дансанд орсон орлогын нийт хэмжээг хөрөнгийн эх үүсвэр болон гүйлгээ тус бүрээр, хандивлагч иргэн, хуулийн этгээдийн холбогдох мэдээлэл, хандивын хэмжээ, хэлбэр, зарлагын ангилал, гүйцэтгэл, үлдэгдэл, данснаас зарлага гаргаж эхлэхийн өмнөх мөнгөн хөрөнгийн дүн зэргийг тайландаа багтаах ёстой. Энэ удаагийн сонгуулийн зардлын дээд хэмжээг Үндэсний аудитын газар 8.1 тэрбум төгрөгөөр тогтоосон. Хэрэв үүнээс их хөрөнгө зарцуулсан бол Зөрчлийн тухай хуулиар хариуцлага хүлээлгэх аж. Харин тайлангаа хугацаандаа ирүүлээгүй бол тухайн намыг дараагийн сонгуульд оролцуулахгүй гэнэ.

Төрийн аудитын дээд байгууллага зардлын тайланг хүлээн авсан өдрөөс хойш 60 хоногийн дотор хянаж, дүнг нь нийтэд мэдээлэх бөгөөд нэг сая ба түүнээс дээш төгрөгийн хандив өгсөн иргэн, хоёр сая ба түүнээс дээш төгрөг хандивласан хуулийн этгээдийг нээлттэй зарлах хуультай.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.