Өчигдрөөс илүү маргаашийг
бүтээхийн төлөө

Тарваган шийр эм хилээр гаргахыг завдав

Монгол Улсад үйлдвэрлэдэг тарваган шийр эмийг улсын хилээр их хэмжээгээр гаргахыг завдсан хүнийг Дорнод аймаг хилийн отрядынхан саатуулан, шалгуулахаар холбогдох хуулийн байгууллагад шилжүүллээ. Тус аймгийн Эрээнцавын авто замын шалган нэвтрүүлэх боомтоор өнгөрсөн баасан гаригт ОХУ руу гарах гэж байсан Чулуунхороот сумын иргэн Ч-ын эзэмшлийн “Истана” маркийн автомашиныг хилчид шалгахад 500 боодол буюу 6000 ширхэг тарваган шийр эм гялгар уутанд боож машиндаа нуусан байсан гэнэ. Тарваган шийр хилээр гаргах гэсэн тохиолдол ганц энэ ч биш. Өнгөрсөн намар мөн л Дорнод аймаг дахь хилийн отрядын хариуцсан хэсгээр уг эмийг их хэмжээгээр авч гарах гэж байгаад баригдсан юм. Холбогдох хуулийн байгууллагынхны авсан мэдээллээр тарваган шийр эмэнд мансууруулах төрлийн эфидрин гэх бодис агуулагддаг гэнэ. Тиймээс оросууд уг эмийг дахин боловсруулан “крокодил” хэмээх нэг төрлийн мансууруулах бодис гаргадаг учраас манайхаас уг эмийг их хэмжээгээр авдаг аж. 

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.