Өчигдрөөс илүү маргаашийг
бүтээхийн төлөө

Д.СУГАР ДАНСАНДАА ОРСОН МӨНГӨНИЙ ЭХ ҮҮСВЭРИЙГ ТАЙЛБАРЛАЖ ЧАДАХГҮЙ БАЙНА

 Төрийн өмчийн хорооны даргаар ажиллаж байсан, Үндсэн хуулийн цэцийн гишүүн Д.Сугарт холбогдох хэргийг УМБГ-ын Эдийн засгийн гэмт хэрэг мөрдөх хэлтсийнхэн сэргээн шалгаж эхэлснээс хойш нэлээд хугацаа өнгөрлөө. Хэдийгээр бүрэн эрхийг нь түдгэлзүүлж чадаагүй ч мөрдөгчид түүнээс тайлбар авалгүйгээр хийх ажлаа хийж, шинжээчийн дүгнэлт гаргуулаад байгаа аж.

Нийслэлийн прокурорын газрын эх сурвалж “Мөрдөн байцаалт үргэлжилж байна. Шалгалтын явцад хэргийн харьяалал АТГ руу шилжиж магадгүй. Түүний үйлдэл нь ТӨХ-ны даргаар ажиллаж байсан үе буюу 2009 оноос өмнө болсон асуудал болох нь нотлох баримтуудаар тогтоогдсон. Тухайлбал, хуучин нисэх буудлын барилгыг нутгийн дүү, “Монголиан эйрлайнс” компанийн захирлаар ажиллаж байсан, МИАТ-ын гэх хэрэгт холбогдон ял шийтгүүлсэн Ч.Хоролсүрэнд хувьчлахдаа албан тушаал эрх мэдлээ хэтрүүлэн өгсөн байж болзошгүй нь тогтоогдоод байгаа. Ингэж хувьчилж авахын тулд Ч.Хоролсүрэн хуурамч баримт бүрдүүлж өгсөн бөгөөд түүнийг Д.Сугар болон хэргийн холбогдогч Үүрцайх нарын хүмүүс албан тушаалаа урвуулан авч, сонгон шалгаруулалтад ялуулсан байж болзошгүй гэсэн нөхцөл байдал тогтоогдсон. Түүгээр зогсохгүй, Д.Сугарын өөр нэг үйлдэл нь ч нотлогдоод байгаа. Энэ хоёр үйлдлээс гадна Д.Сугар дансандаа орсон 600 сая төгрөг хэн нэгнээс орсныг тайлбарлаж чаддаггүй. Энэ мэт нотлох баримтад үндэслэн хэргийн харьяаллыг АТГ руу шилжүүлж магадгүй” гэлээ.

Харин өөр нэг эх сурвалж “Д.Сугарын дансанд орсон их хэмжээний мөнгө магадгүй үнэгүйдүүлж хувьчилсан объектуудынх нь унац байх гэж хардаж байгаа. Мөрдөн байцаалт дуусаж, шүүхээр гэм буруутай, эсэх нь тогтоогдсоны дараа энэ бүгд тодорхой болно” гэлээ.


 Г.ОРЧЛОН

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.