Өчигдрөөс илүү маргаашийг
бүтээхийн төлөө

МАНАЙХАН ДАШТ-Д…

 Арабын нэгдсэн Эмират Улсад өнгөрсөн оны эцсээр явагдсан өсвөрийн шатарчдын 2013 оны ДАШТ-д Монголын 39 хөвгүүд, охид 8-18 насны ангилалд оролцсоноос стандарт тоглолтын охидын 8 насанд “Хангарьд” спорт клубийн тамирчин Бат-Эрдэнийн Мөнгөнзул түрүүлсэн тамирчинтай ижил амжилт үзүүлсэн ч нэмэлт үзүүлэлтээр мөнгөн медаль хүртсэн.

Шагналт байруудад Багануурын Г.Маралгуа (8-р байр), “Орчлон” сургуулийн Э.Баасансүрэн (10) шалгарсан бол блиц тоглолтын төрөлд 1-р сургуулийн С.Билгүүн 6, “Урамтай” клубийн Е.Төгстөмөр, Б.Мөнгөнзул хоёр 8-р байр тус тус эзэлжээ.

121 орны 1841 тамирчин өрсөлдсөн энэ тэмцээнд МШХ-ны удирдлага, багш, дасгалжуулагч, эцэг эхийн төлөөлөл багтсан 70 хүний бүрэлдэхүүнтэй өнөр өтгөн баг оролцсон бөгөөд манай тамирчдын 29 нь 50-иас дээш хувийн амжилт үзүүлж чансаагаа дээшлүүлжээ. Медалийн хувь заяаг шийдсэн сүүлчийн өргийг сонирхоно уу.

ШИНЭ ОНЫ АНХНЫ ЧАНСАА ГАРЛАА

Олон улсын шатрын холбоо (FIDE) энэ оны эхний байдлаар гаргасан чансааг өмнөх үетэй нь харьцуулан үзүүлэв.

Дэлхийн шилдэг 10

Шатарчдын нэрс        улс          2013-XII     2014-I

М.Карлсен                    Норвег     2872          2872

Л.Аронян                      Армен       2803         2812

Х.Накамура                  АХУ           2786       2789

В.Крамник                   ОХУ            2793       2787

В.Топалов                    Болгар       2785       2785

Ф.Карауна                    Итали        2782       2782

А.Грищук                      ОХУ           2783       2777

Б.Гельфанд                  Израиль      2777     2777

В.Ананд                        Энэтхэг        2773    2773

С.Карякин                     ОХУ              2758   2759

Монголын шилдэг 10

Шатарчдын нэрс        цол             2013-XII         2014-I

Ц.Батчулуун                 ИМ              2528            2529

Б.Гүндаваа                   ИМ               2507            2507

Б.Мөнгөнтуул               ОУМ             2440           2438

Д.Шаравдорж                ИМ               2426          2426

Г.Мөнхгал                      ОУМ             2424         2424

Н.Баттулга                    ОУМ             2400         2400

У.Насанжаргал               ФМ              2374         2374

Б.Хатанбаатар               ИМ              2329         2368

М.Гүнбаяр                      ФМ              2367        2367

Т.Батчимэг                     ЭИМ            2357        2357

Дэлхийн шилдэг 100 эмэгтэй шатарчдыг Унгарын Ю.Полгар 2693, БНХАУ-ын Хоу Ифань 2629, Энэтхэгийн Х.Конеру 2613 чансааны оноогоор тэргүүлсэн бол манай Б.Мөнгөнтуул 42-д, Т.Батчимэг 100-д тус тус эрэмблэгдэв. Блиц тоглолтын шилдэг 100-г Х.Накамура 2879, С.Карякин 2866, Л.Аронян 2863, М.Карлсен 2837 үзүүлэлтээр тэргүүлж буй бол манай Б.Гүндаваа 2656-гаар 95-д оржээ. Чансаа нь бодогдсон 160 орны 41 нь 2500-гаас дээш үзүүлэлттэй байгаа бөгөөд ОХУ 2743-аар магнайлж Украин 2702-оор удаалсан бол Монгол улс (+3, 2419) 58-д жагслаа

 

Л.ТОГООХҮҮ

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.