Өчигдрөөс илүү маргаашийг
бүтээхийн төлөө

Хуульчийн нэгдсэн бүртгэл үргэжилж байна

Хуульчдын нэгдсэн бүртгэл үргэлжилж байна. Өнөөдрийн байдлаар нийт 2405  хуульчийн гэрчилгээ эзэмшигч бүртгэлд хамрагдахаар материалаа ирүүлжээ. Үүнээс Хууль зүйн сайдын “Хуульчдын нэгдсэн бүртгэлд бүртгэх тухай” 2013 оны тавдугаар сарын 6-ны өдрийн А/101, 22-ны өдрийн А/111 дүгээр тушаалаар 430 гаруй хуульчийн гэрчилгээ эзэмшигчийг бүртгэж, дөрвөн хуульчийн гэрчилгээ эзэмшигчийг Хуульчийн эрх зүйн байдлын тухай хуулийг дагаж мөрдөх журмын тухай хуулийн 2.5.2-т заасан үндэслэлээр бүртгэхээс татгалзсан. Бусад материалуудыг Хууль зүйн сайдын “Журам батлах тухай” 2013 оны дөрөвдүгээр сарын 12-ны өдрийн А/86 дугаар тушаалын дагуу бүртгэх бэлтгэл ажлыг хангаж байна.   

Хуульчдын нэгдсэн бүртгэлийн ажлын явцад хуульчийн гэрчилгээ эзэмшигч нь гэрчилгээгээ хаяж үрэгдүүлсэн нийтлэг зөрчил цөөнгүй илэрчээ. Тиймээс хуульчийн гэрчилгээтэй нь бусад баримтаар нотлогдож байвал бүртгэх боломжтой юм байна.   Хуульчийн гэрчилгээ эзэмшигч нь хуульчдын нэгдсэн бүртгэлд бүртгүүлэхдээ өргөдлийн маягтын дагуу гаргасан хүсэлт,  хуульчийн гэрчилгээний эх хувь, хуульчийн мэргэжлийн үйл ажиллагаа эрхлэхэд харшлах өвчин, сэтгэцийн эмгэггүйг нотолсон эрүүл мэндийн тодорхойлолт зэрэг бичиг баримтыг бүрдүүлнэ. Нэгдсэн бүртгэлд хамрагдсанаар хуульчдын холбооны  гишүүнчлэл, шүүхэд төлөөлөх буюу өмгөөллийн эрх, хуульчийн мэргэжлийн үйл ажиллагаа эрхлэх нөхөрлөл байгуулах мөн Хуульчдын холбооны анхдугаар чуулганд оролцох эрх нээгдэнэ. Хэрэв хуульд заасан хугацаанд Хуульчдын нэгдсэн бүртгэлд бүртгүүлэх хүсэлт гаргаагүй бол хуульд заасны дагуу хуульчийн гэрчилгээ нь хүчингүй болно.  

Анхааруулахад, хуульчийн гэрчилгээ эзэмшигч нь нэгдсэн бүртгэлд бүртгүүлэхдээ өөрийн биеэр ирэх, хэрэв гадаад болон хөдөө орон нутагт байгаа бол шуудангаар, эсвэл  өөрийн итгэмжлэгдсэн төлөөлөгчөөрөө дамжуулан хуульд заасан материалаа бүрдүүлэн бүртгүүлэх  боломжтой. Бүртгэл Хууль зүйн үндэсний хүрээлэнгийн 206 тоотод явагдаж байгаа бөгөөд долдугаар сарын 15-ны өдөр дуусна. Дэлгэрэнгүй мэдээллийг www.jurist.gov.mn, www.legalinfo.mn  буюу Хуульчдын нэгдсэн мэдээллийн сангаас авах боломтой.  

Утас:312880 

 

Хууль зүйн яам

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.