Өчигдрөөс илүү маргаашийг
бүтээхийн төлөө

Интерполын Ерөнхий нарийн бичгийн дарга Хууль зүйн сайдтай уулзлаа

Олон улсын Эрүүгийн цагдаагийн байгууллага-Интерполын Ерөнхий нарийн бичгийн дарга Роналд Кеннет Нобель өнөөдөр Монголд ирлээ.  Хууль зүйн сайд Х.Тэмүүжин түүнийг хүлээн авч, хууль зүйн салбарын шинэчлэл болон шинэ төрлийн гэмт хэрэгтэй тэмцэхээр Мөрдөх албаны тухай хуулийн төсөл боловсруулж, УИХ-д өргөн барьсан энэ цаг үед манай улсад айлчилж байгаад талархаж буйгаа илэрхийлэв.

Тэрбээр цааш нь, Монгол Улс шинэ төрлийн гэмт хэрэгтэй тэмцэх арга барил, туршлага бага, сүүлийн жилүүдэд Монгол Улсын уул уурхай, эдийн засаг хөгжлийг даган хар тамхи, хүн худалдаалах, мөнгө угаах, соёлын өвтэй холбоотой гэмт хэргүүд гарах болсон. Энэ төрлийн гэмт хэрэгтэй тэмцэх, таслан зогсоох, урьдчилан сэргийлэхэд арга, туршлага дутагдалтай байгаа тул олон улсын сайн туршлага, хамтын ажиллагаа, техникийн туслалцаа шаардлагатай байгааг онцлов.

Интерполын Ерөнхий нарийн бичгийн дарга Роналд Кеннет Нобель баялаг түүхтэй Монгол Улсын талаар уншиж байснаас биш хэзээ нэгэн цагт ирнэ гэж бодож байгаагүй гэдгээ дурдаад, хууль эрх зүйн шинэчлэл, авлигын гэмт хэрэгтэй тэмцэхэд дэмжиж ажиллахаа илэрхийлэв.  Уулзалтаар Монгол Улсын хилээр нэвтэрч байгаа гадаад, дотоодын иргэдийн биеийн байцаалт, иргэний бичиг баримтанд хяналт тавих, кибер, хүн худалдаалах гэмт хэрэгтэй хамтран үр дүнтэй тэмцэх төсөл хэрэгжүүлэхээр тохирлоо. Уулзалтын төгсгөлд Интерполын Ерөнхий нарийн бичгийн дарга Монгол руу багаа илгээж, шинэ төрлийн гэмт хэрэгтэй тэмцэх мөрдөгч, цагдаагийн алба хаагчдад сургалт явуулна гэв.  

Дэд зөвлөлийн хурал боллоо

Хүн худалдаалах гэмт хэрэгтэй тэмцэх, урьдчилан сэргийлэх ажлыг зохицуулах, мэргэжлийн удирдлагаар хангах чиг үүрэг бүхий Дэд зөвлөлийн хуралдаан энэ сарын 11-ний өдөр хуралдлаа.  Уг хуралдаанаар Дэд зөвлөлийн 2013-2016 онд хийх үйл ажиллагааны төлөвлөгөөг хэлэлцэн батлахаар болов. Мөн Азийн сангаас хүн худалдаалах гэмт хэрэгтэй тэмцэх чиглэлээр Хууль зүйн яаман дээр хэрэгжих төслийн талаарх танилцуулгыг сонсч, гишүүд санал бодлоо солилцлоо. Түүнчлэн “Хүн худалдаалах гэмт хэргийн илрүүлэлт, цаашид анхаарах зарим асуудал” сэдвээр УМБГ-ын Зохион байгуулалттай гэмт хэрэг мөрдөх хэлтсийн дарга Б.Батзориг илтгэл тавьж, хэлэлцүүлсэн юм. Хууль зүйн яам

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.