Өчигдрөөс илүү маргаашийг
бүтээхийн төлөө

МУБИС-ийн дэд захирлыг угаалгын машин өндөр үнээр шахсан хэрэгт буруутгажээ

МУБИС-ийн эдийн засаг, хамтын ажиллагаа эрхэлсэн дэд захирлаар ажиллаж байсан Л.Ганцэцэгийг албан тушаалаа урвуулсан хэрэгт буруутган шалгаж дуусжээ. Түүнийг албан тушаалаа урвуулж, Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн холбогдох заалтыг зөрчин “Цалгайн хүү” ХХК-ийн захирал Д.Мөнхжаргалд давуу байдал бий болгосон гэх хэрэгт яллагдагчаар тооцсон аж.

“Оюутны өргөө” цогцолборын 1000 оюутны байранд 2014 оны аравдугаар сард “Цалгайн хүү” ХХК-иас “MIDEA TWJI120-1002” загварын хагас автомат угаалгын машиныг нэг бүрийг нь хоёр сая төгрөгөөр худалдан авах гэрээг дээр нэр дурдсан хүмүүс байгуулсан аж. Уг нь дээрх угаалгын машины зах зээлийн үнэ нь тухайн үед 289 900 төгрөг бай жээ. Ха рин Л.Ганцэцэг, Д.Мөнхжаргал нар зах зээлийн дунджаас даруй долоо дахин илүү үнээр худалдан авах шууд гэрээг байгуулж, тухайн сарынхаа 31-нд 40 сая төгрөг шилжүүлэн МУБИС-д хохирол учруулсан нь мөрдөн шалгах ажиллагааны явцад тогтоогдсон гэнэ. Уг хоёр хүнд НПГ-аас яллах дүгнэлт үйлдэн Сүхбаатар дүүргийн Эрүүгийн хэргийн анхан шатны шүүхэд шилжүүлснийг удахгүй хэлэлцэхээр болж буй аж.

Бэлтгэсэн Г.Равжаа

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.