Өчигдрөөс илүү маргаашийг
бүтээхийн төлөө

Ойн салбарынхан технологийн шийдлийн талаар хэлэлцэнэ

ШУА-ийн Газар зүй, геоэкологийн хүрээлэнгийн судлаачид доройтсон ойг технологийн тусламжтай тодорхойлох, сэргэн ургах чадавхыг нь үнэлэх судалгаа хийгээд буй. Тэгвэл технологид суурилсан ийм шийдлүүдийг ойн салбарт өргөнөөр ашиглах боломжийг нээх, сурталчлах зорилготой Донсати санаачилга сэдэвт эрдэм шинжилгээний цахим хурлыг Ойн судалгаа, хөгжлийн төв дээрх хүрээлэнтэй хамтран ирэх баасан гарагт зохион байгуулахаар төлөвлөжээ. Донсати гэдэг нь доройтсон ойг нөхөн сэргээх, ашиглах технологи, инновац гэсэн үгийн товчлол юм байна. “Тэрбум мод” үндэсний хөдөлгөөний хүрээнд, Монгол Улсад шинжлэх ухааны байгууллага үүсэж хөгжсөний 100 жилийн ойд зориулан хийх гэж буй эл хуралд гадаад, дотоодын их, дээд сургууль, ойн салбарын төрийн болон төрийн бус байгууллага, энэ чиглэлийн төсөл, хөтөлбөр хэрэгжүүлэгч 10 гаруй газрын судлаач, мэргэжилтнүүд оролцох нь. Онцлог нь эндээс гарсан шийдэл, технологийн аргачлалуудын тухай тусгасан, нэгдсэн үзэл баримтлал бүхий саналыг дээд шатны холбогдох байгууллагад хүргүүлэхээр тооцжээ.

Бэлтгэсэн Ж.Сувд

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.