Өчигдрөөс илүү маргаашийг
бүтээхийн төлөө

Монголоос Австралийн Холбооны Улсад суух Онц бөгөөд Бүрэн эрхт Элчин сайд Итгэмжлэх жуух бичгээ өргөн барив

Монгол Улсаас Австралийн Холбооны Улсад суух Онц бөгөөд Бүрэн эрхт Элчин сайд Д.Даваасүрэн 2021 оны арваннэгдүгээр сарын 30-ны өдөр Австрали Улсын Амбан захирагч Дэвид Хөрлид Итгэмжлэх жуух бичгээ өргөн барив.

Элчин сайд Д.Даваасүрэн Итгэмжлэх жуух бичиг гардуулах үеэрээ Монгол Улсын Ерөнхийлөгч У.Хүрэлсүхийн мэндчилгээг уламжилж, Элчин сайдаар  ажиллах хугацаандаа хоёр орны харилцааг боломжит бүхий л салбарт өргөжүүлэн хөгжүүлэх эрмэлзэлтэй байгаагаа онцлон тэмдэглэв. Ирэх онд тохиох Монгол, Австралийн хооронд дипломат харилцаа тогтоосны 50 жилийн ойг хоёр талдаа өргөн хүрээнд тэмдэглэн өнгөрүүлэхийн төлөө байгаагаа тэрээр мөн илэрхийлэв.

Амбан захирагч Д.Хөрли Элчин сайд Д.Даваасүрэнд баяр хүргэж, ажлын өндөр амжилт хүсээд хоёр талын харилцаа, хамтын ажиллагааг өргөжүүлэн хөгжүүлэх талаар Элчин сайдтай санал нэг байгаагаа тэмдэглэв. Тэрээр хоёр орны харилцаа, хамтын ажиллагаа ардчилал, эрх чөлөө, хүний эрхийг дээдэлсэн нэгдмэл үнэт зүйлст тулгуурлан амжилттай хөгжиж буйг дурдаад ирэх онд тохиох дипломат харилцаа тогтоосны 50 жилийн ойг ёслол төгөлдөр тэмдэглэн өнгөрүүлэхийн чухлыг онцлов.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.