Өчигдрөөс илүү маргаашийг
бүтээхийн төлөө

ТАНИЛЦ: “Омикрон” мутац олон улсад дэгдсэнтэй холбогдуулан УОК-оос гаргасан шийдвэрүүд

Улсын Онцгой комисс өнөөдөр 11.00 цагаас коронавирусийн шинэ хувилбар болох “Омикрон” мутац олон улсад бүртгэгдсэнтэй холбогдуулан хуралдлаа.

Хурлаас гарсан шийдвэрийг танилцуулж байна. 

Шадар сайд С.Амарсайхан “Дэлхий нийтэд шинэ хувилбарыг судалж эхэлсэн. Эцсийн байдлаарх дүгнэлт гараагүй байна. УОК-ын хурлаар хэд хэдэн асуудлыг авч шийдвэрлэлээ.

  1. Шинэ хувилбар бүртгэгдсэн гадаад улсаас зорчин ирж байгаа, тэдгээр улсаар дамжин өнгөрсөн  гадаадын иргэдийг хүлээн авахгүй байх
  2. Тэдгээр улс орнуудад зорчсон, дамжин өнгөрсөн, халдвар өндөртэй эрсдэлтэй бүсээр аялсан зорчсон Монгол Улсын иргэдийг хүлээн авах бөгөөд ирэхэд нь өөрсдийнх нь зардлаар 10 хоног тусгаарлалтад байлгах
  3. Өнөөдөр ирэх 200 гаруй энхийг сахиулагчдын байсан тухайн улсад нь халдвар бүртгэгдээгүй. Бүгд шинжилгээнд хамрагдсан хэдий ч 10 хоногийн хугацаанд цэргийн амралтад тусгаарлана.
  4. Нисэх онгоцны буудал, авто замын боомт, хилийн шалган нэвтрүүлэх, хил хяналтын орчимд иргэд зорчигчдоос шинжилгээг бүрэн авна” гэв. 

Омикрон хувилбар халдварласан тохиолдол одоогоор Өмнөд Африкаас гадна Ботсван, Зимбабве, Намиби, Лесото, Эсватини, Мозамбик, Малавид бүртгэгдсэн бөгөөд зөөвөрлөгдсөн тохиолдол бүртгэгдсэн Израиль, Ботсван, Хонконг, Бельги улс байна. Өмнөд Африк болон түүнтэй хил залгаа улс орнуудаас ирэх зорчигчдод хилээ хааж байгааг зарласан.

1
БурууБуруу
0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.