Өчигдрөөс илүү маргаашийг
бүтээхийн төлөө

МАРТАЖ БОЛОХГҮЙ!

Нийслэлийн Онцгой байдлын газраас гал түймэр, угаарын хийн хордлогоос урьдчилан сэргийлэх хэрэгжүүлэх юм.“Мартаж болохгүй” арга хэмжээг эхлүүллээ.

Нийслэлийн гэр хорооллын айл өрхийн галлагаа ихэсч, иргэд гал түймэрт өртөж, эрүүл мэнд, амь насаараа хохирох эрсдэл нэмэгдэж байгаатай холбогдуулан гал түймрийн тоо хохирол, эрсдэлийг бууруулах зорилгоор ахуйн гал түймрийн аюулаас урьдчилан сэргийлэх чиглэлээр энэхүү арга хэмжээг зохион байгуулж байгаа аж.

Арга хэмжээний хүрээнд мэргэжлийн байгууллагуудын хамтарсан бүрэлдэхүүн цахилгааны холболт, ашиглалт, угсралтын аюулгүй байдал алдагдсан, гэр хооронд, бусад объект хоорондын аюулгүйн зай хэмжээ зөрчигдсөн, үнс нурам ил задгай асгасан, үнсний сав таггүй, пийшин зуух гэмтэлтэй, яндангийн хамгаалалт хийгдээгүй, залгаас буруу, бага насны хүүхдийг гэртээ цоожилж орхидог, шуурхай албаны автомашин очих боломжгүй мухар гудамж, өндөрлөг газар, өндөр хүчдэлийн шугаман дор буусан зэрэг зөрчил илэрсэн айл өрхөд аюулгүй байдлыг хангах чиглэлээр зөвлөмж, анхааруулга өгөх юм.

Нэгдсэн арга хэмжээг дараах байгууллагууд хамтран зохион байгуулж байна.

Үүнд:

  1. Нийслэлийн онцгой байдлын ерөнхий газар,
  2. Сүхбаатар дүүргийн Засаг даргын Тамгын газар,
  3. 15,17 дугаар хороодын Засаг дарга, түүний ажлын алба,
  4. Дүүргийн Цагдаагийн газар
  5. “Таван толгой түлш” ХХК,
  6. “Улаанбаатар цахилгаан түгээх сүлжээ” ТӨХК-ийн инженер техникийн ажилтнууд хамтран зохион байгуулахаар болжээ.

Нээлтийн арга хэмжээнд ОБЕГ-ын ГУСГ-ын дарга, хурандаа А.Алтанбагана, НОБГ-ын дарга, хурандаа А.Дашням, Сүхбаатар дүүргийн орлогч дарга Ц.Шижир, “Таван толгой түлш ХХК-ийн Хэрэглэгчдэд үйлчлэх албаны дарга Ч.Буянжаргал болон албаны бусад хүмүүс оролцлоо.

0
Зөв, гоёЗөв, гоё
0
Савж уналааСавж уналаа
0
Хөөрхөн юмХөөрхөн юм
0
ГайхмаарГайхмаар
0
БурууБуруу
0
ХарамсалтайХарамсалтай
0
ТэнэглэлТэнэглэл
Баярлалаа!

0 Сэтгэгдэл

Leave a Reply

Та сэтгэгдэл бичихдээ Монгол Улсын хууль болон ёс суртахууны хэм хэмжээг баримтална уу. Ёс бус сэтгэгдлийг админ устгах эрхтэй.